Memleket basshysy Qasym-Jomart Toqaev Eýraziialyq ekonomikalyq komissiia alqasynyń tóraǵasy Mihail Miasnikovichpen áńgimelesti, dep habarlaidy Aqorda.
Beine konferentsiia formatynda ótken kezdesýde Qasym-Jomart Toqaev pen Mihail Miasnikovich Eýraziialyq ekonomikalyq odaqtyń qazirgi ahýalyn jáne ony odan ary damytý perspektivalaryn talqylady.
Taraptar 11 jeltoqsan kúni memleketter basshylarynyń qatysýymen onlain-formatta ótetin Joǵarǵy Eýraziialyq ekonomikalyq keńestiń otyrysynda qaralatyn máseleler, sondai-aq, 2021 jyly Qazaqstan Respýblikasynyń Eýraziialyq ekonomikalyq odaqqa tóraǵalyǵy jaiynda pikir almasty.
Sonymen qatar, Qasym-Jomart Toqaev pen Mihail Miasnikovich Eýraziialyq ekonomikalyq komissiianyń jumysyndaǵy jekelegen máseleler jóninde oi bólisip, uiymnyń integratsiialyq protsessterdegi róline toqtaldy.
