Memleket basshysy Qasym-Jomart Toqaev qazaqstandyqtardy Ramazan aiynyń bastalýymen quttyqtady, - dep habarlaidy Aqordanyń baspasóz qyzmeti.
«Barsha Qurmetti otandastar!
Barshańyzdy qasietti Ramazan aiynyń bastalýymen shyn júrekten quttyqtaimyn!
Bul – búkil álemdegi musylman qaýymy úshin rýhani jańarý men jańǵyrý kezeńi.
Ramazan aiynda árdaiym yrys pen yntymaq, izgilik pen meiirim saltanat qurady. Otyz kún Orazada muqtaj jandardy qoldap, qaiyrymdylyq kórsetý igi dástúrge ainaldy.
Ókinishke qarai, biylǵy Ramazan aiy tótenshe jaǵdai kezeńine tuspa-tus kelip otyr. Sondyqtan jamaǵatty Qazaqstan musylmandary dini basqarmasynyń usynymdaryn oryndaýǵa, indetke qarsy kúreste birlik pen jaýapkershilik tanytýǵa shaqyramyn.
Biz, Qazaqstan halqy, qanymyzǵa sińgen qadir-qasiettiń arqasynda kez-kelgen synaqtan abyroimen ótemiz dep senemin.
Sizderge zor densaýlyq, baq-bereke jáne tolaǵai tabys tileimin!»,-delingen Memleket basshysynyń quttyqtaýynda.
