مەملەكەت باسشىسى قاسىم-جومارت توقاەۆ قازاقستاندىقتاردى رامازان ايىنىڭ باستالۋىمەن قۇتتىقتادى, - دەپ حابارلايدى اقوردانىڭ باسپاسٶز قىزمەتٸ.
«بارشا قۇرمەتتٸ وتانداستار!
بارشاڭىزدى قاسيەتتٸ رامازان ايىنىڭ باستالۋىمەن شىن جٷرەكتەن قۇتتىقتايمىن!
بۇل – بٷكٸل ەلەمدەگٸ مۇسىلمان قاۋىمى ٷشٸن رۋحاني جاڭارۋ مەن جاڭعىرۋ كەزەڭٸ.
رامازان ايىندا ەردايىم ىرىس پەن ىنتىماق, ٸزگٸلٸك پەن مەيٸرٸم سالتانات قۇرادى. وتىز كٷن ورازادا مۇقتاج جانداردى قولداپ, قايىرىمدىلىق كٶرسەتۋ يگٸ دەستٷرگە اينالدى.
ٶكٸنٸشكە قاراي, بيىلعى رامازان ايى تٶتەنشە جاعداي كەزەڭٸنە تۇسپا-تۇس كەلٸپ وتىر. سوندىقتان جاماعاتتى قازاقستان مۇسىلماندارى دٸني باسقارماسىنىڭ ۇسىنىمدارىن ورىنداۋعا, ٸندەتكە قارسى كٷرەستە بٸرلٸك پەن جاۋاپكەرشٸلٸك تانىتۋعا شاقىرامىن.
بٸز, قازاقستان حالقى, قانىمىزعا سٸڭگەن قادٸر-قاسيەتتٸڭ ارقاسىندا كەز-كەلگەن سىناقتان ابىرويمەن ٶتەمٸز دەپ سەنەمٸن.
سٸزدەرگە زور دەنساۋلىق, باق-بەرەكە جەنە تولاعاي تابىس تٸلەيمٸن!»,-دەلٸنگەن مەملەكەت باسشىسىنىڭ قۇتتىقتاۋىندا.
