Qazaqstan Prezidenti Qasym-Jomart Toqaev Qazaqstan halqyn Ramazan aiynyń bastalýymen quttyqtady, dep habarlaidy "Ult aqparat" Aqordanyń resmi saityna silteme jasap.
«Qadirli otandastar!
Barshańyzdy qasietti Ramazan aiynyń bastalýymen shyn júrekten quttyqtaimyn!
Bul – kúlli musylman qaýymy úshin rýhani turǵydan jańarý kezeńi. Sondai-aq, Oraza aiynda ózara syilastyq pen meiirim, izgilik pen keshirim siiaqty asyl qasietter dáripteledi. Jurt kómekke muqtaj jandarǵa qol ushyn berip, qaiyrymdylyq kórsetýge, saýapty is atqarýǵa umtylady.
Islam dininiń osyndai myzǵymas rýhani qundylyqtary men jasampazdyq áleýeti qoǵamymyzdaǵy birlik pen yntymaqty odan ári nyǵaitýǵa yqpal etedi.
Ókinishke qarai, biyl da Ramazan aiy kúrdeli kezeńde ótetin boldy. Juqpaly dertti aýyzdyqtaý úshin barlyq sharalar jasalýda. Elimizdegi musylman jamaǵatyn qaýipsizdik talaptaryn saqtaýǵa, Qazaqstan musylmandary dini basqarmasynyń usynymdaryn múltiksiz oryndaýǵa shaqyramyn.
Biz bul synaqty aýyzbirshilik pen jaýapkershiliktiń arqasynda eńseretinimiz sózsiz.
Tutqan orazalaryńyz qabyl bolsyn!
Elimizge amandyq, ár shańyraqqa baq-bereke tileimin!»,-delingen quqttyqtaýynda.
