قازاقستان پرەزيدەنتٸ قاسىم-جومارت توقاەۆ قازاقستان حالقىن رامازان ايىنىڭ باستالۋىمەن قۇتتىقتادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
«قادٸرلٸ وتانداستار!
بارشاڭىزدى قاسيەتتٸ رامازان ايىنىڭ باستالۋىمەن شىن جٷرەكتەن قۇتتىقتايمىن!
بۇل – كٷللٸ مۇسىلمان قاۋىمى ٷشٸن رۋحاني تۇرعىدان جاڭارۋ كەزەڭٸ. سونداي-اق, ورازا ايىندا ٶزارا سىيلاستىق پەن مەيٸرٸم, ٸزگٸلٸك پەن كەشٸرٸم سيياقتى اسىل قاسيەتتەر دەرٸپتەلەدٸ. جۇرت كٶمەككە مۇقتاج جاندارعا قول ۇشىن بەرٸپ, قايىرىمدىلىق كٶرسەتۋگە, ساۋاپتى ٸس اتقارۋعا ۇمتىلادى.
يسلام دٸنٸنٸڭ وسىنداي مىزعىماس رۋحاني قۇندىلىقتارى مەن جاسامپازدىق ەلەۋەتٸ قوعامىمىزداعى بٸرلٸك پەن ىنتىماقتى ودان ەرٸ نىعايتۋعا ىقپال ەتەدٸ.
ٶكٸنٸشكە قاراي, بيىل دا رامازان ايى كٷردەلٸ كەزەڭدە ٶتەتٸن بولدى. جۇقپالى دەرتتٸ اۋىزدىقتاۋ ٷشٸن بارلىق شارالار جاسالۋدا. ەلٸمٸزدەگٸ مۇسىلمان جاماعاتىن قاۋٸپسٸزدٸك تالاپتارىن ساقتاۋعا, قازاقستان مۇسىلماندارى دٸني باسقارماسىنىڭ ۇسىنىمدارىن مٷلتٸكسٸز ورىنداۋعا شاقىرامىن.
بٸز بۇل سىناقتى اۋىزبٸرشٸلٸك پەن جاۋاپكەرشٸلٸكتٸڭ ارقاسىندا ەڭسەرەتٸنٸمٸز سٶزسٸز.
تۇتقان ورازالارىڭىز قابىل بولسىن!
ەلٸمٸزگە اماندىق, ەر شاڭىراققا باق-بەرەكە تٸلەيمٸن!»,-دەلٸنگەن قۇقتتىقتاۋىندا.
