Prezident Qasym-Jomart Toqaev Qatar Ámiri sheih Támim ben Hamad ál-Tánidi "Altyn Qyran" ordenimen marapattady, - dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev Qazaqstanǵa memlekettik saparmen kelgen Qatar Ámiri sheih Támim ben Hamad ál-Tánige Qazaqstan Respýblikasynyń eń joǵary memlekettik nagradasy - "Altyn Qyran" ordenin tabys etti.
Orden tabystaý rásiminde Memleket basshysy Qatar Ámiriniń halyq aldyndaǵy abyroi-bedelin, el basqarý isindegi danalyǵy men erekshe tulǵalyq qasietterin, álemdegi beibitshilikti saqtaýǵa jáne turaqtylyqty qamtamasyz etýge qosqan zor úlesin atap ótti.
Sonymen qatar, Qasym-Jomart Toqaev biyl Dohada ótken kezdesýde sheih Támim ben Hamad ál-Tánimen strategiialyq seriktestik ornatý jóninde ýaǵdalastyqqa qol jetkizgenin, eki memleket arasyndaǵy dostyq qarym-qatynasty nyǵaitýǵa bar kúsh-jigerin jumsaitynyn aitty.
