Foto: Aqorda
Memleket basshysy Qasym-Jomart Toqaevtyń qazaqstandyqtardy Jeńis kúnimen quttyqtaýy Aqordanyń resmi saityna jariialandy.
«Qurmetti otandastar!
Barshańyzdy Jeńis kúnimen quttyqtaimyn!
Biz 9 mamyrda beibit ómir men tynyshtyqty qorǵaý jolynda qurban bolyp, maidan dalasynan qaitpai qalǵan batyrlarymyzdyń rýhyna taǵzym etemiz. Soǵys jáne tyl ardagerlerine sheksiz rizashylyq bildirip, airyqsha qurmet kórsetemiz.
Qazaqstan adamzattyń ortaq jeńisine, jer betinde ádildik pen bostandyqtyń saltanat qurýyna ólsheýsiz úles qosty. Aǵa býynnyń ekinshi dúniejúzilik soǵys kezindegi erligi men eńbegi óskeleń urpaq úshin qaisarlyqtyń, janqiiarlyqtyń jáne otanshyldyqtyń ozyq úlgisi bolyp qalatyny sózsiz.
Búginde biz ultymyzdyń qaharman ul-qyzdarynyń arqasynda alańsyz eńbek etip, urpaq ósirip, jarqyn bolashaqqa qadam basyp kelemiz. Sol úshin olarǵa máńgi qaryzdarmyz. Eshkim de eshqashan umytylmaidy!
Ardagerlerimizge árdaiym bas iemiz!
Beibitshiliktiń qadirin túsinip, ony saqtai bileiik!
Barshańyzǵa zor densaýlyq, tolaǵai tabys tileimin!
Jeńis kúni qutty bolsyn!», delingen Prezident quttyqtaýynda.
