فوتو: اقوردا
مەملەكەت باسشىسى قاسىم-جومارت توقاەۆتىڭ قازاقستاندىقتاردى جەڭٸس كٷنٸمەن قۇتتىقتاۋى اقوردانىڭ رەسمي سايتىنا جارييالاندى.
«قۇرمەتتٸ وتانداستار!
بارشاڭىزدى جەڭٸس كٷنٸمەن قۇتتىقتايمىن!
بٸز 9 مامىردا بەيبٸت ٶمٸر مەن تىنىشتىقتى قورعاۋ جولىندا قۇربان بولىپ, مايدان دالاسىنان قايتپاي قالعان باتىرلارىمىزدىڭ رۋحىنا تاعزىم ەتەمٸز. سوعىس جەنە تىل ارداگەرلەرٸنە شەكسٸز ريزاشىلىق بٸلدٸرٸپ, ايرىقشا قۇرمەت كٶرسەتەمٸز.
قازاقستان ادامزاتتىڭ ورتاق جەڭٸسٸنە, جەر بەتٸندە ەدٸلدٸك پەن بوستاندىقتىڭ سالتانات قۇرۋىنا ٶلشەۋسٸز ٷلەس قوستى. اعا بۋىننىڭ ەكٸنشٸ دٷنيەجٷزٸلٸك سوعىس كەزٸندەگٸ ەرلٸگٸ مەن ەڭبەگٸ ٶسكەلەڭ ۇرپاق ٷشٸن قايسارلىقتىڭ, جانقييارلىقتىڭ جەنە وتانشىلدىقتىڭ وزىق ٷلگٸسٸ بولىپ قالاتىنى سٶزسٸز.
بٷگٸندە بٸز ۇلتىمىزدىڭ قاھارمان ۇل-قىزدارىنىڭ ارقاسىندا الاڭسىز ەڭبەك ەتٸپ, ۇرپاق ٶسٸرٸپ, جارقىن بولاشاققا قادام باسىپ كەلەمٸز. سول ٷشٸن ولارعا مەڭگٸ قارىزدارمىز. ەشكٸم دە ەشقاشان ۇمىتىلمايدى!
ارداگەرلەرٸمٸزگە ەردايىم باس يەمٸز!
بەيبٸتشٸلٸكتٸڭ قادٸرٸن تٷسٸنٸپ, ونى ساقتاي بٸلەيٸك!
بارشاڭىزعا زور دەنساۋلىق, تولاعاي تابىس تٸلەيمٸن!
جەڭٸس كٷنٸ قۇتتى بولسىن!», دەلٸنگەن پرەزيدەنت قۇتتىقتاۋىندا.
