Qasym-Jomart Toqaev Kaspikz kompaniiasynyń negizin qalaýshy Viacheslav Kim men Mihail Lomtadzeni qabyldady. Bul týraly Aqordanyń baspasóz qyzmeti málim etti.
Prezidentke Kaspikz kompaniiasy qyzmetiniń nátijeleri men shaǵyn jáne orta biznesti damytýǵa arnalǵan jańa servis qurý jospary jóninde málimet berildi.
«Memleket basshysyna usynylǵan aqparatqa sáikes, búginde 700 myńǵa jýyq otandyq kásipker óz biznesin Kaspikz tehnologiialarynyń kómegimen damytyp jatyr. Biylǵy birinshi jartyjyldyqtyń ózinde taýarlar men qyzmetter úshin 12 trillion teńge kóleminde qolma-qol aqshasyz tólem jasalyp, 150 myń jeke kásipker tirkelgen», - delingen habarlamada.
Memlekettik organdarmen birlesip ázirlengen onlain-servisterdiń kómegimen qazaqstandyqtar salyqtardy merziminde tóleý múmkindigine ie boldy. 2024 jyldyń 6 aiynda atalǵan qyzmetter arqyly biýdjetke 1,1 trillion teńgeden astam salyqtar men basqa da tólemder túsken.
Qasym-Jomart Toqaev elimizdegi shaǵyn jáne orta kásipkerlikti órkendetýdiń mańyzdy ekenin atap ótip, Kaspikz aktsionerlerine qoldaý bildirdi.
