Indettiń ekinshi kezeńi bastalyp ketýi múmkin. Bul týraly Memleket basshysy Qasym-Jomart Toqaev Tótenshe jaǵdai rejimin qamtamasyz etý jónindegi memlekettik komissiianyń otyrysynda málim etti, dep habarlaidy "Ult aqparat".
«Indettiń ekinshi kezeńi bastalyp ketýi múmkin. Sondyqtan, ózimizdiń aman-saýlyǵymyzǵa, eń aldymen, ózimiz jaýapty bolýymyz kerek. Indet qaita órshigen jaǵdaida Úkimet naqty shuǵyl is-qimyl josparyn daiyndaidy. Ózderińizge málim, meniń tapsyrmam boiynsha elimizde daǵdarysqa qarsy sharalardyń eki toptamasy júzege asyrylýda. 4,5 millionnan astam adamǵa 42500 teńge kóleminde qarjylai kómek kórsetilýde. 1 millionnan astam azamatqa azyq-túlik pen turmystyq zattar úlestirilýde. Kommýnaldyq tólemderdiń tarifi tómendetildi. Ony tóleý úshin asa muqtaj jandar qosymsha kómek alady», - dedi Przident.
Osy oraida Memleket basshysy 2 millionǵa jýyq azamattyń nesie tóleý merzimi keiinge shegerilgenin eske saldy.
«Qoljetimdi nesie berý, kóktemgi egis naýqanyn júrgizý, jumys oryndaryn ashý jáne saqtaý úshin aitarlyqtai qarajat bólindi. 700 myńnan astam kompaniia men kásipkerler úshin salyq júktemesi azaityldy. Sol arqyly olar 1 trillion teńgege jýyq qarjy únemdeýge múmkindik aldy», - dedi Qasym-Jomart Toqaev.
