Prezident Qasym-Jomart Toqaev L.N.Gýmilev atyndaǵy Eýraziia Ulttyq ýniversitetiniń rektory Erlan Sydyqovty qabyldady, dep habarlaidy Aqorda.
Memleket basshysyna L.N.Gýmilev atyndaǵy Eýraziia Ulttyq ýniversitetiniń biylǵy jumystary jáne Oqý ornyn damytýdyń 2020-2025 jyldarǵa arnalǵan strategiiasyn iske asyrý jospary týraly aqparat berildi.
Qasym-Jomart Toqaev ýniversitet jumysynyń qorytyndylaryna oń baǵa berip, onyń aimaqtaǵy jetekshi joǵary oqý orny retindegi halyqaralyq mártebesin nyǵaitý qajettigine nazar aýdardy.
Sonymen qatar Memleket basshysyna ýniversitet janynan ashylǵan «Abai akademiiasy» týraly málimet berildi. Prezident shetelde Abai Qunanbaiulynyń murasyn ulttyq brend retinde nasihattaý jumystaryn júrgizýdiń mańyzdylyǵyn atap ótti.
Kezdesý sońynda Qasym-Jomart Toqaev Erlan Sydyqovqa Eýraziia Ulttyq ýniversitetiniń bazasynda ashylatyn oqý-zerthanalyq kesheniniń qurylysy jóninde jáne basqa da birqatar tapsyrma berdi.
