Prezident Qasym-Jomart Toqaev Ulttyq bank tóraǵasy Erbolat Dosaevty qabyldady, dep habarlaidy Aqorda.
Memleket basshysyna 2021 jyldyń birinshi jartyjyldyǵyndaǵy aqsha-kredit saiasatyn iske asyrýdyń aldyn ala qorytyndysy jóninde esep berildi. Sondai-aq Qazaqstan ekonomikasynyń ósimin 3,6-3,9 paiyz deńgeide jaqsartý jáne koronavirýstyń jańa shtamdarynyń saldarynan el ekonomikasyn qaita qalpyna keltirýge kedergi bolatyn negizgi qaýip-qaterler týraly baiandaldy.
Prezidentke biylǵy 6 aidaǵy infliatsiianyń 7,9 paiyzǵa deiin jedel ósýi, ishki azyq-túlik naryqtaryndaǵy teńgerimsizdik, sondai-aq, syrtqy infliatsiialyq qysymnyń kúsheiýi jáne ortalyq bankterdiń aqsha-kredit sharttaryn qatańdatýǵa kóshý úrdisi jaiynda aityldy.
Qasym-Jomart Toqaevqa Qazaqstannyń valiýta naryǵyndaǵy ahýal, Ulttyq banktiń altyn-valiýta qory men Ulttyq qor aktivteriniń jai-kúii jóninde aqparat berildi.
Sonymen qatar Erbolat Dosaev halyq salymdarynyń turaqty túrde dollarsyzdanyp kele jatqany, ekonomikanyń naqty sektoryn nesieleýdiń ósýi jáne qazaqstandyq bankaralyq tólem kartochkalarynyń júiesin qurý josparynyń júzege asyrylýy týraly baiandady.
Memleket basshysyna depozitterge kepildik berý júiesine qatysýshy bankterdi baǵalaý modeli usynyldy jáne tsifrlyq qarjylyq ekojúielerdi teńgerimdi retteý jónindegi tásilder týraly aityldy.
Kezdesý qorytyndysy boiynsha Prezident birqatar naqty tapsyrma berdi.
