پرەزيدەنت قاسىم-جومارت توقاەۆ ۇلتتىق بانك تٶراعاسى ەربولات دوساەۆتى قابىلدادى, دەپ حابارلايدى اقوردا.
مەملەكەت باسشىسىنا 2021 جىلدىڭ بٸرٸنشٸ جارتىجىلدىعىنداعى اقشا-كرەديت ساياساتىن ٸسكە اسىرۋدىڭ الدىن الا قورىتىندىسى جٶنٸندە ەسەپ بەرٸلدٸ. سونداي-اق قازاقستان ەكونوميكاسىنىڭ ٶسٸمٸن 3,6-3,9 پايىز دەڭگەيدە جاقسارتۋ جەنە كوروناۆيرۋستىڭ جاڭا شتامدارىنىڭ سالدارىنان ەل ەكونوميكاسىن قايتا قالپىنا كەلتٸرۋگە كەدەرگٸ بولاتىن نەگٸزگٸ قاۋٸپ-قاتەرلەر تۋرالى باياندالدى.
پرەزيدەنتكە بيىلعى 6 ايداعى ينفلياتسييانىڭ 7,9 پايىزعا دەيٸن جەدەل ٶسۋٸ, ٸشكٸ ازىق-تٷلٸك نارىقتارىنداعى تەڭگەرٸمسٸزدٸك, سونداي-اق, سىرتقى ينفلياتسييالىق قىسىمنىڭ كٷشەيۋٸ جەنە ورتالىق بانكتەردٸڭ اقشا-كرەديت شارتتارىن قاتاڭداتۋعا كٶشۋ ٷردٸسٸ جايىندا ايتىلدى.
قاسىم-جومارت توقاەۆقا قازاقستاننىڭ ۆاليۋتا نارىعىنداعى احۋال, ۇلتتىق بانكتٸڭ التىن-ۆاليۋتا قورى مەن ۇلتتىق قور اكتيۆتەرٸنٸڭ جاي-كٷيٸ جٶنٸندە اقپارات بەرٸلدٸ.
سونىمەن قاتار ەربولات دوساەۆ حالىق سالىمدارىنىڭ تۇراقتى تٷردە دوللارسىزدانىپ كەلە جاتقانى, ەكونوميكانىڭ ناقتى سەكتورىن نەسيەلەۋدٸڭ ٶسۋٸ جەنە قازاقستاندىق بانكارالىق تٶلەم كارتوچكالارىنىڭ جٷيەسٸن قۇرۋ جوسپارىنىڭ جٷزەگە اسىرىلۋى تۋرالى باياندادى.
مەملەكەت باسشىسىنا دەپوزيتتەرگە كەپٸلدٸك بەرۋ جٷيەسٸنە قاتىسۋشى بانكتەردٸ باعالاۋ مودەلٸ ۇسىنىلدى جەنە تسيفرلىق قارجىلىق ەكوجٷيەلەردٸ تەڭگەرٸمدٸ رەتتەۋ جٶنٸندەگٸ تەسٸلدەر تۋرالى ايتىلدى.
كەزدەسۋ قورىتىندىسى بويىنشا پرەزيدەنت بٸرقاتار ناقتى تاپسىرما بەردٸ.
