Elimizde 7 iri ekojúie qalyptastyrýǵa bolady. Bul týraly búgin Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy QazAqparat.
Memleket basshysynyń atap ótýinshe, aýyl sharýashylyǵy salasynda sheshimin tappai kele jatqan ózekti máseleler bar. Atap aitqanda jurttyń jerge qol jetkize almaýy, uzaq merzimge beriletin arzan nesieniń bolmaýy, kásibi mamandardyń tapshylyǵy oryn alýda.
«Ónimdilikti arttyryp, shikizat óndirýmen ǵana shektelmeý úshin, sondai-aq qoima jáne kólik infraqurylymyn damytý maqsatynda shuǵyl sharalar qabyldaý kerek. Elimizde et, jemis-jidek, kókónis, qant, bidai, maily daqyldar, sút ónimderin óndirý jáne óńdeý úshin 7 iri ekojúie qalyptastyrýǵa bolady. Balyq sharýashylyǵyna da erekshe mán berilgeni jón. Qosymsha qun qalyptastyrýdyń ózegi sanalatyn iri jobalar mańyzdy ról atqarýǵa tiis», - dedi Memleket basshysy,
QR Prezidentiniń atap ótýinshe, vertikaldy kooperatsiia aiasynda jeke qosalqy sharýashylyqtyń áleýetin paidalanǵan abzal.
«Jeke sharýashylyǵy milliondaǵan aýyl turǵynyna tabys tabýǵa múmkindik bere alady. Olardy óńirlik azyq-túlik habyn qurýǵa jumyldyrý kerek», - dedi Qasym-Jomart Toqaev.
