Prezident ekinshi deńgeili bankterdi klientteriniń shetel valiýtasyn satyp alýyn baqylaýǵa mindettedi, dep habarlaidy QazAqparat.
«Memlekettik qatysy bar kompaniialardyń valiýtadaǵy túsimderin satý kólemin ulǵaitýdy qamtamasyz etý máselesin pysyqtaǵan jón. Jeke jer qoinaýyn igerýshiler de óziniń valiýtadaǵy túsimderin satýdy qamtamasyz etedi dep kútemin. Óziniń kelisimshart mindettemelerin oryndaý aiasynda ekinshi deńgeidegi bankter óz klientteriniń valiýtany satyp alýyn baqylap, monitoring júrgizýi kerek. Bankterdiń osy talaptardy saqtaýyn qadaǵalaý boiynsha qatań baqylaý ornatý qajet», - dedi Qasym-Jomart Toqaev.
Sondai-aq, ol qarjy salasyn retteýshi úsh organǵa valiýta naryǵyndaǵy alypsatarlyqpen kúresti kúsheitýdi tapsyrdy.
«Naryqtaǵy spekýliatsiialar eshbir jaǵdaida rezervterimizdiń aqtaýsyz «jaǵylýyna» sebep bolmaýǵa tiis. Úkimet, Ulttyq Bank, Qarjy naryǵyn damytý jáne retteý agenttigi osy baǵytta batyl sharalar qabyldaýy qajet», - dedi Memleket basshysy.
