QR Prezidenti Qasym-Jomart Toqaev dárigerlerge, quqyq qorǵaý organdary qyzmetkerlerine jáne eriktilerge alǵys aitty, dep habarlaidy "Ult aqparat".
«Parlamenttiń kezekti sessiiasynyń jumysy óte kúrdeli kezeńde bastalyp otyr. Elimizde jer jahanda zor qaýip tóndirgen pandemiiaǵa qarsy kúres áli de jalǵasýda. Biz azamattardń ómirin jáne densaýlyǵyn qorǵaý úshin bar kúsh-jigerimizdi biriktirdik. Osyndai syn saǵatta yntymaǵy jarasqan halqymyz judyryqtai jumyldy. Indetpen kúres dana halqymyzǵa tán asyl qasietterdiń arqasynda júzege asty. Ózgege qol ushyn sozyp, tileýles bolyp, tosynnan kelgen keselge qarsy turý mańyzdy ekeni anyq baiqaldy. Dárigerlerge, quqyq qorǵaý organdarynyń qyzmetkerlerine, áskeri qyzmetshilerge, eriktilerge, kásipkerlerge jáne osyndai jaǵdaiǵa bei-jaiqalmaǵan barlyq azamatqa shyn júrekten alǵys aitamyn. Sizder airyqsha tabandylyqtyń jáne zor jaýapkershiliktiń jarqyn úlgisin kórsettińizder», - dedi Memleket basshysy Qazaqstan halqyna Joldaýyn jariialaý barysynda.
QR Prezidentiniń aitýynsha, bul - Otanǵa degen shynaiy súiispenshiliktiń kórinisi.
