Qazaqstan Prezidenti osy jyldyń 1 shildesinen bastap biýdjet salasyndaǵy ailyǵy tómen qyzmetkerlerdiń jalaqysyn 30 paiyzǵa arttyrýdy tapsyrdy, dep habarlaidy QazAqparat tilshisi.
«Biz asa aýqymdy tegeýrinder men jahandyq syndardyń zamanynda ómir súrip jatyrmyz. Bizdiń jinap qoiǵan rezervter kúrdeli kezeńderde paidaǵa asýy tiis. Osy rezervterdiń arqasynda biz ońtústik-shyǵys daǵdarysynan 1997 jáne 2001 jyldardaǵy qiyn kezeńderden óttik. Biz 2007-2009 jyldardaǵy daǵdarystan da aman óttik. Sol sebepti, rezervter kerek. Biraq qajet bolǵan jaǵdaida birge el igiligine jaratatyn bolamyz», - dedi Prezident «Nur Otan» partiiasynyń kezekti XVIII sezinde.
Nursultan Nazabaev óz sózinde qazirgi ýaqytta Qazaqstan naryq zamanda ómir súrip jatqanyn eske saldy.
«Sol sebepti, memlekettiń basty mindeti - azamattarǵa jumys taýyp berý. Kómek muqtaj sanattaǵy adamdarǵa berilip, ataýly sipatqa ie bolýy kerek. Men bul máseleni jeke baqylaýyma alamyn. Partiialastardy da bólingen qarajatty árbir otbasyǵa jetkizýde baqylaýǵa kómektesýdi suraimyn. Meniń tapsyrmam boiynsha búgingi tańda azamattardy alańdatatyn máselelelerdi anyqtady. Ol máseleler - balaǵa bólinetin járdemaqy, kópbalalay otbasylardyń jaǵdaiyn jaqsartý, baspanamen qamtý. Partiianyń osy máselelerdi sheshýdegi mańyzdy úlesi - áleýmettik saiasatty úsh baǵyt boiynsha júzege asyrý bolyp tabylady. Birinshiden, halyqtyń az qamtylǵan bóliginiń kirisin arttyrý jáne qoldaý, ekinshiden, kirisi tómen azamattardyń turǵyn úi máselesin sheshý jáne bilim, densaýlyq saqtaý salasyn jaqsartý, úshinshisi aimaqtardy keshendi túrde damytý», - dedi Nursultan Nazarbaev.
Prezident qazirgi tańda qazaqstandyq otbasylardyń jaǵdaiyn jaqsartýǵa mańyz berý kerektigin atap ótti.
«Osy jyldan bastap qańtar aiynda bazalyq ailyq mólsherin bir jarym esege ósirdik. Muǵalimderdiń ailyǵyn 30 paiyzǵa, biliktiligin arttyrǵan ustazdarǵa 50 paiyzǵa arttyrdyq. Demek, osy sanattaǵy azamattardyń kirisi aitarlyqtai ósti. Bul baǵdarmada bir million azamattyq qyzmetkerdi qamtidy. Osy jyldyń 1 shildesinen bastap biýdjet salasyndaǵy ailyǵy tómen qyzmetkerlerdiń jalaqysyn 30 paiyzǵa arttyrýdy tapsyramyn», - dedi Nursultan Nazarbaev.
Eske sala ketsek, elordadaǵy Táýelsizdik saraiynda Elbasy Nursultan Nazarbaevtyń tóraǵalyǵymen «Nur Otan» partiiasynyń kezekti XVIII sezi ótkizilýde. Sezd kún tártibinde birneshe máseleni qarastyrý kózdelgen. Atap aitqanda, aldymen «Nur Otan» partiiasynyń 2030 jylǵa deiingi baǵdarlamasy týraly másele qozǵalady. Odan keiin partiianyń Jarǵysyna ózgerister men tolyqtyrýlar qarastyrylyp, partiia Saiasi keńesiniń jəne Ortalyq baqylaý-tekserý komissiiasynyń esepti kezeń boiynsha jumysynyń qorytyndylary shyǵarylady. Sonymen qatar partiia Saiasi keńesiniń jəne Ortalyq baqylaý-tekserý komissiiasynyń músheleri sailanatyn bolady.
Sezd jumysyna 2 myńǵa jýyq adam qatysýda. Olardyń 1200-i elimizdiń barlyq óńirlerinen kelgen delegattar, al qalǵan 800-ge jýyǵy - qonaqtar.
