قازاقستان پرەزيدەنتٸ وسى جىلدىڭ 1 شٸلدەسٸنەن باستاپ بيۋدجەت سالاسىنداعى ايلىعى تٶمەن قىزمەتكەرلەردٸڭ جالاقىسىن 30 پايىزعا ارتتىرۋدى تاپسىردى, دەپ حابارلايدى قازاقپارات تٸلشٸسٸ.
«بٸز اسا اۋقىمدى تەگەۋرٸندەر مەن جاھاندىق سىنداردىڭ زامانىندا ٶمٸر سٷرٸپ جاتىرمىز. بٸزدٸڭ جيناپ قويعان رەزەرۆتەر كٷردەلٸ كەزەڭدەردە پايداعا اسۋى تيٸس. وسى رەزەرۆتەردٸڭ ارقاسىندا بٸز وڭتٷستٸك-شىعىس داعدارىسىنان 1997 جەنە 2001 جىلدارداعى قيىن كەزەڭدەردەن ٶتتٸك. بٸز 2007-2009 جىلدارداعى داعدارىستان دا امان ٶتتٸك. سول سەبەپتٸ, رەزەرۆتەر كەرەك. بٸراق قاجەت بولعان جاعدايدا بٸرگە ەل يگٸلٸگٸنە جاراتاتىن بولامىز», - دەدٸ پرەزيدەنت «نۇر وتان» پارتيياسىنىڭ كەزەكتٸ XVIII سەزٸندە.
نۇرسۇلتان نازاباەۆ ٶز سٶزٸندە قازٸرگٸ ۋاقىتتا قازاقستان نارىق زاماندا ٶمٸر سٷرٸپ جاتقانىن ەسكە سالدى.
«سول سەبەپتٸ, مەملەكەتتٸڭ باستى مٸندەتٸ - ازاماتتارعا جۇمىس تاۋىپ بەرۋ. كٶمەك مۇقتاج ساناتتاعى ادامدارعا بەرٸلٸپ, اتاۋلى سيپاتقا يە بولۋى كەرەك. مەن بۇل مەسەلەنٸ جەكە باقىلاۋىما الامىن. پارتييالاستاردى دا بٶلٸنگەن قاراجاتتى ەربٸر وتباسىعا جەتكٸزۋدە باقىلاۋعا كٶمەكتەسۋدٸ سۇرايمىن. مەنٸڭ تاپسىرمام بويىنشا بٷگٸنگٸ تاڭدا ازاماتتاردى الاڭداتاتىن مەسەلەلەلەردٸ انىقتادى. ول مەسەلەلەر - بالاعا بٶلٸنەتٸن جەردەماقى, كٶپبالالاى وتباسىلاردىڭ جاعدايىن جاقسارتۋ, باسپانامەن قامتۋ. پارتييانىڭ وسى مەسەلەلەردٸ شەشۋدەگٸ ماڭىزدى ٷلەسٸ - ەلەۋمەتتٸك ساياساتتى ٷش باعىت بويىنشا جٷزەگە اسىرۋ بولىپ تابىلادى. بٸرٸنشٸدەن, حالىقتىڭ از قامتىلعان بٶلٸگٸنٸڭ كٸرٸسٸن ارتتىرۋ جەنە قولداۋ, ەكٸنشٸدەن, كٸرٸسٸ تٶمەن ازاماتتاردىڭ تۇرعىن ٷي مەسەلەسٸن شەشۋ جەنە بٸلٸم, دەنساۋلىق ساقتاۋ سالاسىن جاقسارتۋ, ٷشٸنشٸسٸ ايماقتاردى كەشەندٸ تٷردە دامىتۋ», - دەدٸ نۇرسۇلتان نازارباەۆ.
پرەزيدەنت قازٸرگٸ تاڭدا قازاقستاندىق وتباسىلاردىڭ جاعدايىن جاقسارتۋعا ماڭىز بەرۋ كەرەكتٸگٸن اتاپ ٶتتٸ.
«وسى جىلدان باستاپ قاڭتار ايىندا بازالىق ايلىق مٶلشەرٸن بٸر جارىم ەسەگە ٶسٸردٸك. مۇعالٸمدەردٸڭ ايلىعىن 30 پايىزعا, بٸلٸكتٸلٸگٸن ارتتىرعان ۇستازدارعا 50 پايىزعا ارتتىردىق. دەمەك, وسى ساناتتاعى ازاماتتاردىڭ كٸرٸسٸ ايتارلىقتاي ٶستٸ. بۇل باعدارمادا بٸر ميلليون ازاماتتىق قىزمەتكەردٸ قامتيدى. وسى جىلدىڭ 1 شٸلدەسٸنەن باستاپ بيۋدجەت سالاسىنداعى ايلىعى تٶمەن قىزمەتكەرلەردٸڭ جالاقىسىن 30 پايىزعا ارتتىرۋدى تاپسىرامىن», - دەدٸ نۇرسۇلتان نازارباەۆ.
ەسكە سالا كەتسەك, ەلورداداعى تەۋەلسٸزدٸك سارايىندا ەلباسى نۇرسۇلتان نازارباەۆتىڭ تٶراعالىعىمەن «نۇر وتان» پارتيياسىنىڭ كەزەكتٸ XVIII سەزٸ ٶتكٸزٸلۋدە. سەزد كٷن تەرتٸبٸندە بٸرنەشە مەسەلەنٸ قاراستىرۋ كٶزدەلگەن. اتاپ ايتقاندا, الدىمەن «نۇر وتان» پارتيياسىنىڭ 2030 جىلعا دەيٸنگٸ باعدارلاماسى تۋرالى مەسەلە قوزعالادى. ودان كەيٸن پارتييانىڭ جارعىسىنا ٶزگەرٸستەر مەن تولىقتىرۋلار قاراستىرىلىپ, پارتييا ساياسي كەڭەسٸنٸڭ جəنە ورتالىق باقىلاۋ-تەكسەرۋ كوميسسيياسىنىڭ ەسەپتٸ كەزەڭ بويىنشا جۇمىسىنىڭ قورىتىندىلارى شىعارىلادى. سونىمەن قاتار پارتييا ساياسي كەڭەسٸنٸڭ جəنە ورتالىق باقىلاۋ-تەكسەرۋ كوميسسيياسىنىڭ مٷشەلەرٸ سايلاناتىن بولادى.
سەزد جۇمىسىنا 2 مىڭعا جۋىق ادام قاتىسۋدا. ولاردىڭ 1200-ٸ ەلٸمٸزدٸڭ بارلىق ٶڭٸرلەرٸنەن كەلگەن دەلەگاتتار, ال قالعان 800-گە جۋىعى - قوناقتار.
