Prezident Qasym-Jomart Toqaev Qazaqstannyń sońǵy jyldary aýqymdy reformalardyń arqasynda jańa damý kezeńine qadam basqanyn aitty. Sondai-aq Memleket basshysy qoǵamda zań men tártipke qurmet artyp, azamattardyń Ádiletti, Mádenietti, Taza jáne Qaýipsiz el qurýǵa degen umtylysy kúsheiip kele jatqanyn atap ótti., dep habarlaidy ult.kz.
«Qazir Qazaqstan jańa turpatty elge ainaldy. Biz birtutas ári jasampaz ult retinde damýdyń dańǵyl jolyna tústik.
Keiingi jyldardy elimiz úshin tarihi betburys kezeńi deýge tolyq negiz bar. Aýqymdy reformalar barlyq salaǵa tyń serpin berýde.
Túbegeili ózgerister, ásirese, qoǵamdyq sanaǵa zor silkinis ákeldi. Ishki saiasattyń mazmuny jańardy, baǵyt-baǵdary aiqyndala tústi.
El ishinde janashyrlyq, eńbekqorlyq, uqyptylyq, únemshildik qasietteri ornyǵa bastady.
Azamattarymyzdyń kózqarasy jáne ustanymy ózgerýde. Halqymyz Ádiletti, Mádenietti, Taza jáne Qaýipsiz elde ómir súrýdi qalaidy. Sondyqtan jurtymyz tártip buzýshylyqqa, zańsyzdyqqa tutas qoǵam bolyp tosqaýyl qoiýda.
Alaida, aldymyzda turǵan jumys – óte aýqymdy. Bul jumysty bárimiz bir el, birtutas halyq bolyp mindetti túrde oidaǵydai oryndaimyz», - dedi Prezident.
