Memleket basshysy Qasym-Jomart Toqaev birneshe jarlyqqa qol qoidy, - dep habarlaidy "Ult aqparat" Aqordanyń baspasóz qyzmetine silteme jasap.
Prezident mynadai Jarlyqtara qol qoidy:
- "Qazaqstan Respýblikasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy týraly";
- "Qazaqstan Respýblikasy Prezidentiniń "Ádiletti Qazaqstan: bárimiz jáne árqaisymyz úshin. Qazir jáne árdaiym" sailaýaldy baǵdarlamasyn iske asyrý jónindegi sharalar týraly";
- "Zańsyz shyǵarylǵan aktivterdi memleketke qaitarý jónindegi sharalar týraly";
- "Qazaqstan Respýblikasy Parlamenti Senatynyń depýtattaryn sailaýdy 2023 jylǵy 14 qańtarǵa taǵaiyndaý týraly";
- "Qazaqstan Respýblikasy Joǵary aýditorlyq palatasynyń keibir máseleleri týraly";
- Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń basshylary týraly;
- Astana, Almaty, Shymkent qalalarynyń jáne oblystardyń ákimderi týraly.
Eske salaiyq, búgin Astanada Prezidentti ulyqtaý rásimi ótti. Onda Qasym-Jomart Toqaev jańa prezidenttik merzimdegi birinshi jarlyǵyn aityp, sailaýǵa "ádil jáne ashyq boldy" degen baǵa bergen edi.
