Prezident Qasym-Jomart Toqaev sýdialar quramyn ózgertti. Memleket basshysy 26 qazanda "Qazaqstan Respýblikasy sottarynyń tóraǵalary men sýdialaryn qyzmetke taǵaiyndaý jáne qyzmetten bosatý týraly" Jarlyqqa qol qoidy, - dep habarlaidy Massaget.kz portaly.
Anatolii Smolin ornynan túsýine bailanysty Qostanai oblystyq sotynyń tóraǵasy qyzmetinen bosatyldy. Astanada eki sýdia tártiptik teris qylyq jasaǵany úshin sot jiýriiniń qaýlysymen qyzmetinen bosatyldy. Olar - Bostandyq aýdanynyń №2 aýdandyq sotynyń sýdiasy Qanat Syrlybaev pen Qyzylorda oblysynyń mamandandyrylǵan aýdanaralyq ekonomikalyq sotynyń sýdiasy Ǵalymjan Bekmambetov.
Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń sýdiasy Dinara Qabidenova da basqa jumysqa aýysýyna bailanysty qyzmetinen bosatyldy.
Al qylmystyq ister jónindegi mamandandyrylǵan aýdanaralyq sotynyń sýdiasy Qydyrbek Álqojaev qaitys bolýyna bailanysty qyzmetinen bosatyldy.
Qujat boiynsha, mamandandyrylǵan aýdanaralyq ákimshilik sotynyń sýdiasy bolyp Marlen Beketov, Aqtóbe qalalyq sotynyń sýdiasy bolyp Maral Omarova taǵaiyndaldy.
