Qasym-Jomart Toqaev koronavirýs indetiniń taralýyna qarsy sharalar qabyldaý jónindegi keńeste ózderine júktelgen mindetterdi shala oryndaǵan birqatar sheneýniktiń jumysyn synǵa aldy, – dep habarlaidy «Ult aqparat».
Bul týraly Prezidenttiń baspasóz hatshysy Berik Ýáli Feisbýk paraqshasynda jazdy.
«Osyǵan bailanysty Memleket basshysy jumysyna salǵyrt qaraǵany úshin Shymkent qalasynyń ákimi M.Áitenovke, Aqtóbe oblysynyń ákimi O.Orazalinge, Pavlodar oblysynyń ákimi Á.Sqaqovqa jáne Vedomstvoaralyq komissiianyń tóraǵasy E.Toǵjanovqa sógis jariialady.
Al Nur-Sultan qalasynyń ákimi A.Kólginovke, Almaty qalasynyń ákimi B.Saǵyntaevqa, Tsifrlyq damý, innovatsiialar jáne aeroǵarysh ónerkásibi ministri
A.Jumaǵalievke eskertý jasady.
Atyraý, Qostanai jáne Batys Qazaqstan oblystarynyń ákimderine óńirlerdegi ahýaldy retteý qajettigin eskertti. Atalǵan másele barlyq oblystyń basshylaryna da qatysty ekenin aitty», – dep jazǵan Berik Ýáli Feisbýk paraqshasynda.
