QR Úkimeti Biologiialyq qaýipsizdik jónindegi keńes qurýy qajet.
Bul týraly Tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Memleket basshysy Qasym-Jomart Toqaev aitty, dep habarlaidy QazAqparat.
«COVID-19 jáne soǵan uqsas virýstar bir rettik qubylys emes siiaqty. Sondyqtan bizge praktikalyq turǵyda ǵana emes, sonymen birge ǵylymi kózqaras turǵysynan da únemi daiyn bolý qajet. Úkimetke bedeldi ǵalymdar men sarapshylardy tarta otyryp, Biologiialyq qaýipsizdik jónindegi keńes qurǵany jón», - dedi Memleket basshysy.
QR Prezidentiniń paiymynsha, bilimdi barynsha ikemdi jasap, balalar men stýdentterdi qashyqtan oqytý rejiminiń hattamalary men ádistemelerin ázirleý, elimizdiń barlyq oqý oryndaryn shynaiy tsifrlandyrýdy aiaqtaý qajet.
«Zamanaýi qashyqtan oqytý tehnologiialaryn qarqyndy engizý qajet. Bilim berý baǵdarlamalarynyń mazmunyn qaita qarap shyǵyp, olardy qoljetimdi jáne interaktivti jasaý kerek. Pedagogterdiń ózin daiyndaý jańa talaptar eskerile otyryp júzege asyrylýy tiis», - dedi Qasym-Jomart Toqaev.
