Basty maqsat - ekonomikany údetý jáne halyqtyń ál-aýqatyn arttyrý. Bul týraly Memleket basshysy Qasym-Jomart Toqaev aitty, dep habarlaidy "Ult aqparat".
«Basty maqsat - ekonomikany údetý jáne halyqtyń ál-aýqatyn arttyrý. Indetke jáne shekteý is-sharalaryna qaramastan el ekonomikasy jarty jyldyń ishinde 2,2 paiyzǵa ósti. Bul - qýantarlyq jait. Byltyr pandemiianyń saldarynan ishki jalpy ónim 2,6 paiyzǵa tómendedi. Biz ony tezirek qalpyna keltirýimiz kerek», - dedi Úkimettiń keńeitilgen otyrysyn ashqan Qasym-Jomart Toqaev.
Memleket basshysynyń aitýynsha, daǵdarysqa qarsy is-sharalardyń jáne karantindik shekteýlerdiń tómendeýine bailanysty iskerlik belsendilik qalpyna keldi.
«Bizdiń mindetimiz - ekinshi jartyjyldyqta ekonomika ósimi qarqynyn arttyrý», - dep atap ótti QR Prezidenti.
Qazirgi ýaqytta QR Premer-Ministri Asqar Mamin 2021 jyldyń 1-jartyjyldyǵyndaǵy elimizdiń áleýmettik-ekonomikalyq damýy jáne jyl sońyna deiingi Úkimettiń josparlary jaiynda baiandaýda. Odan keiin Ulttyq bank tóraǵasy Erbolat Dosaev, QR Premer-Ministriniń orynbasary Eraly Toǵjanov sóz sóileidi. Sondai -aq Mańǵystaý, Soltústik Qazaqstan oblystarynyń jáne Shymkent qalasynyń ákimi baiandama jasaidy.
