باستى ماقسات - ەكونوميكانى ٷدەتۋ جەنە حالىقتىڭ ەل-اۋقاتىن ارتتىرۋ. بۇل تۋرالى مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«باستى ماقسات - ەكونوميكانى ٷدەتۋ جەنە حالىقتىڭ ەل-اۋقاتىن ارتتىرۋ. ٸندەتكە جەنە شەكتەۋ ٸس-شارالارىنا قاراماستان ەل ەكونوميكاسى جارتى جىلدىڭ ٸشٸندە 2,2 پايىزعا ٶستٸ. بۇل - قۋانتارلىق جايت. بىلتىر پاندەمييانىڭ سالدارىنان ٸشكٸ جالپى ٶنٸم 2,6 پايىزعا تٶمەندەدٸ. بٸز ونى تەزٸرەك قالپىنا كەلتٸرۋٸمٸز كەرەك», - دەدٸ ٷكٸمەتتٸڭ كەڭەيتٸلگەن وتىرىسىن اشقان قاسىم-جومارت توقاەۆ.
مەملەكەت باسشىسىنىڭ ايتۋىنشا, داعدارىسقا قارسى ٸس-شارالاردىڭ جەنە كارانتيندٸك شەكتەۋلەردٸڭ تٶمەندەۋٸنە بايلانىستى ٸسكەرلٸك بەلسەندٸلٸك قالپىنا كەلدٸ.
«بٸزدٸڭ مٸندەتٸمٸز - ەكٸنشٸ جارتىجىلدىقتا ەكونوميكا ٶسٸمٸ قارقىنىن ارتتىرۋ», - دەپ اتاپ ٶتتٸ قر پرەزيدەنتٸ.
قازٸرگٸ ۋاقىتتا قر پرەمەر-مينيسترٸ اسقار مامين 2021 جىلدىڭ 1-جارتىجىلدىعىنداعى ەلٸمٸزدٸڭ ەلەۋمەتتٸك-ەكونوميكالىق دامۋى جەنە جىل سوڭىنا دەيٸنگٸ ٷكٸمەتتٸڭ جوسپارلارى جايىندا بايانداۋدا. ودان كەيٸن ۇلتتىق بانك تٶراعاسى ەربولات دوساەۆ, قر پرەمەر-مينيسترٸنٸڭ ورىنباسارى ەرالى توعجانوۆ سٶز سٶيلەيدٸ. سونداي -اق ماڭعىستاۋ, سولتٷستٸك قازاقستان وبلىستارىنىڭ جەنە شىمكەنت قالاسىنىڭ ەكٸمٸ بايانداما جاسايدى.
