Balalar arasyndaǵy sýitsid pen býllingtiń aldyn alý úshin memlekettik baqylaýdy kúsheitý kerek. Bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Sonymen qatar biz bala quqyqtaryn qorǵaý jónindegi aýqymdy máselelerdi sheshýge tiispiz. Balalardyń qaýipsizdigin qamtamasyz etý, balalar arasyndaǵy sýitsid pen býllingtiń aldyn alý úshin memlekettik baqylaýdy kúsheitip, tiimdi tetikterdi qarastyrǵan jón», - dedi Memleket basshysy.
QR Prezidenti erekshe kútimge muqtaj balalardyń inkliýzivti damýy máselesin nazardan tys qaldyrmaýymyz kerektigin de basa aitty.
«Bilim berý mekemelerindegi tiisti qyzmetterdiń tiimdiligin arttyrý úshin normativtik baza qalyptastyrý kezek kúttirmeitin mindettiń biri. Áleýmettik mańyzy joǵary osyndai máselelerdi sheshý memlekettik organdardyń ǵana mindeti emes. Oǵan búkil azamattyq qoǵamnyń atsalysýy qajet ekenin bárimiz túsinýge tiispiz», - dedi Qasym-Jomart Toqaev.
