بالالار اراسىنداعى سۋيتسيد پەن بۋللينگتٸڭ الدىن الۋ ٷشٸن مەملەكەتتٸك باقىلاۋدى كٷشەيتۋ كەرەك. بۇل تۋرالى 7-شٸ شاقىرىلعان پارلامەنتتٸڭ 1-شٸ سەسسيياسىن اشقان قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«سونىمەن قاتار بٸز بالا قۇقىقتارىن قورعاۋ جٶنٸندەگٸ اۋقىمدى مەسەلەلەردٸ شەشۋگە تيٸسپٸز. بالالاردىڭ قاۋٸپسٸزدٸگٸن قامتاماسىز ەتۋ, بالالار اراسىنداعى سۋيتسيد پەن بۋللينگتٸڭ الدىن الۋ ٷشٸن مەملەكەتتٸك باقىلاۋدى كٷشەيتٸپ, تيٸمدٸ تەتٸكتەردٸ قاراستىرعان جٶن», - دەدٸ مەملەكەت باسشىسى.
قر پرەزيدەنتٸ ەرەكشە كٷتٸمگە مۇقتاج بالالاردىڭ ينكليۋزيۆتٸ دامۋى مەسەلەسٸن نازاردان تىس قالدىرماۋىمىز كەرەكتٸگٸن دە باسا ايتتى.
«بٸلٸم بەرۋ مەكەمەلەرٸندەگٸ تيٸستٸ قىزمەتتەردٸڭ تيٸمدٸلٸگٸن ارتتىرۋ ٷشٸن نورماتيۆتٸك بازا قالىپتاستىرۋ كەزەك كٷتتٸرمەيتٸن مٸندەتتٸڭ بٸرٸ. ەلەۋمەتتٸك ماڭىزى جوعارى وسىنداي مەسەلەلەردٸ شەشۋ مەملەكەتتٸك ورگانداردىڭ عانا مٸندەتٸ ەمەس. وعان بٷكٸل ازاماتتىق قوعامنىڭ اتسالىسۋى قاجەت ەكەنٸن بەرٸمٸز تٷسٸنۋگە تيٸسپٸز», - دەدٸ قاسىم-جومارت توقاەۆ.
