Memleket basshysy Qasym-Jomart Toqaev aýyl sharýashylyǵy qajettigine arnalǵan sý máselesin túpkilikti sheshýdi tapsyrdy, dep habarlaidy QazAqparat.
«Qazaqstan úshin aýqymdy problemalardyń biri – aýyl sharýashylyǵy qajettigine bailanysty sý bólý barysyndaǵy sýdyń aitarlyqtai jetispeýi. Biyl bul baǵyttaǵy kórsetkish 2 myń tekshe shaqyrymǵa jetti. Bul – jinalǵan sýdyń 22 paiyzy. Mundai kórsetkishter bizge qolaily emes. Joldaýda men bul máseleni kótergen bolatynmyn. Ol bizdiń uzaqmerzimdi ekologiialyq turaqtylyǵymyzǵa ǵana áser etip qoimai, elimizdiń tolyqqandy damýyna da kedergi keltiredi», - dedi Prezident Ulttyq qoǵamdyq senim keńesiniń otyrysynda.
Prezident sol sebepti bul máseleni zamanǵa sai tsifrlyq tehnologiialardy paidalana otyryp, jedel ári túpkilikti deńgeide sheshý kerektigin eskertti.
«Sý ratsionaldy túrde jumsalýy kerek. Bizde bul turǵyda sátti tájiribe bar. Túrkistan oblysynyń Maqtaaral aýdanynda iri sharýashylyqaralyq arnany tsifrlandyrý boiynsha K19 pilottyq jobasy sátti iske asty. Bul tájiribeni keńinen paidalaný kerek», - dedi ol.
