مەملەكەت باسشىسى قاسىم-جومارت توقاەۆ اۋىل شارۋاشىلىعى قاجەتتٸگٸنە ارنالعان سۋ مەسەلەسٸن تٷپكٸلٸكتٸ شەشۋدٸ تاپسىردى, دەپ حابارلايدى قازاقپارات.
«قازاقستان ٷشٸن اۋقىمدى پروبلەمالاردىڭ بٸرٸ – اۋىل شارۋاشىلىعى قاجەتتٸگٸنە بايلانىستى سۋ بٶلۋ بارىسىنداعى سۋدىڭ ايتارلىقتاي جەتٸسپەۋٸ. بيىل بۇل باعىتتاعى كٶرسەتكٸش 2 مىڭ تەكشە شاقىرىمعا جەتتٸ. بۇل – جينالعان سۋدىڭ 22 پايىزى. مۇنداي كٶرسەتكٸشتەر بٸزگە قولايلى ەمەس. جولداۋدا مەن بۇل مەسەلەنٸ كٶتەرگەن بولاتىنمىن. ول بٸزدٸڭ ۇزاقمەرزٸمدٸ ەكولوگييالىق تۇراقتىلىعىمىزعا عانا ەسەر ەتٸپ قويماي, ەلٸمٸزدٸڭ تولىققاندى دامۋىنا دا كەدەرگٸ كەلتٸرەدٸ», - دەدٸ پرەزيدەنت ۇلتتىق قوعامدىق سەنٸم كەڭەسٸنٸڭ وتىرىسىندا.
پرەزيدەنت سول سەبەپتٸ بۇل مەسەلەنٸ زامانعا ساي تسيفرلىق تەحنولوگييالاردى پايدالانا وتىرىپ, جەدەل ەرٸ تٷپكٸلٸكتٸ دەڭگەيدە شەشۋ كەرەكتٸگٸن ەسكەرتتٸ.
«سۋ راتسيونالدى تٷردە جۇمسالۋى كەرەك. بٸزدە بۇل تۇرعىدا سەتتٸ تەجٸريبە بار. تٷركٸستان وبلىسىنىڭ ماقتاارال اۋدانىندا ٸرٸ شارۋاشىلىقارالىق ارنانى تسيفرلاندىرۋ بويىنشا ك19 پيلوتتىق جوباسى سەتتٸ ٸسكە استى. بۇل تەجٸريبەنٸ كەڭٸنەن پايدالانۋ كەرەك», - دەدٸ ول.
