Foto: Aqorda
Prezident Qasym-Jomart Toqaev elordadaǵy qoǵamdyq kólikke, sonyń ishinde LRT júiesine monitoring júrgizip, jumysyn retteitin Biryńǵai dispetcherlik ortalyqtyń qyzmetimen tanysty, dep habarlaidy Ult.kz.
Astana ákimi Jeńis Qasymbektiń aitýynsha, LRT júiesin iske qosý aiasynda jeńil relsti kóliktiń arnaýly dispetcherlik qyzmeti jasaqtalǵan.
Qaladaǵy qoǵamdyq kólikke monitoring júrgizý jáne onyń qyzmetin retteýmen 21 maman ainalysady.
LRT júiesiniń ár quramy 600-den astam jolaýshy tasymaldaýǵa arnalǵan. Uzyndyǵy 22,4 shaqyrym bolatyn jeli arqyly 15 quram júrgizýshisiz júredi (4 quram rezervte).
Foto: Aqorda
Basqarý, jyldamdyqty arttyrý jáne tejeý, esikti ashý úderisteri, sondai-aq tótenshe jaǵdai kezindegi áreketter tolyǵymen avtomattandyrylǵan. Qosymsha baqylaý úshin qolmen basqarý jáne dispetchermen bailanysqa shyǵý múmkindigi qarastyrylǵan.
LRT infraqurylymynda 18 stantsiia men zamanaýi depo bar. Baǵyt boiynsha joldyń uzaqtyǵy shamamen 40 minýtty quraidy. Quramdar saǵatyna 50-60 shaqyrym ortasha jyldamdyqpen 5-6 minýt saiyn júredi.
Memleket basshysy jeńil relsti kóliktiń paidalanýǵa berilýi Astana men elimiz úshin erekshe mańyzdy oqiǵa ekenin atap ótti. Elorda keleshekte Eýraziianyń kólik habyna ainalýǵa tiis ekenin aitty.
Prezidentke 001 seriialy karta berildi. Memleket basshysy LRT júiesiniń alǵashqy jolaýshysy retinde «Áýejai» stantsiiasynan «Ulttyq mýzei» stantsiiasyna deiin júrdi.
Foto: Aqorda
Qoǵamdyq kólikti odan ári damytý maqsatynda LRT jobasynyń ekinshi kezegi iske asyryla bastady. Atap aitqanda, «Astana-1» vokzaly, «Jaǵalaý» shaǵyn aýdany, Qosshy qalasy baǵyty boiynsha jańa jeliniń qurylysyn júrgizý josparlanyp otyr. 20 stantsiiadan turatyn ekinshi kezeńniń jalpy uzyndyǵy 26,5 shaqyrymdy quraidy.
Memleket basshysy Qasym-Jomart Toqaev LRT qurylysyn júrgizip jatqan qytailyq kompaniia ókilderi men CTS Transportation, Astana LRT jumysshylaryna sáttilik tilep, jobany odan ári jalǵastyrýdy tapsyrdy.
