Memleket basshysy Qasym-Jomart Toqaev Aral tabanyna egiletin sekseýil alqaby ulǵaiatynyn aitty, dep habarlaidy QazAqparat.
«Kómirqyshqyl gazynyń áserin báseńdetýde aǵash egý jumystaryn belsendi júrgizý mańyzdy ról atqarady. Qazaqstan shaǵyn ormandy memleketterge jatady. Orman qorynyń aýdany 30 million gektar nemese jalpy aýmaqtyń 11%-yn quraidy. Biyl eldi kógaldandyrý boiynsha aýqymdy baǵdarlama bastaldy. 2025 jylǵa deiin 2 milliard aǵash egiledi. Bul bastama úlken halyqaralyq rezonansqa ie shyn máninde ulttyq aýqymdaǵy jobaǵa ainalýda», - dedi Prezident elordada ótip jatqan «Parij kelisimi men Qazaqstannyń kómirtegi beitaraptyǵynyń maqsattaryna qol jetkizý joldary» atty halyqaralyq konferentsiia barysynda.
Sondai-aq, ol Aral tabanyna egilip jatqan sekseýil alqabynyń aýmaǵyn keńeitý josparlanǵanyn eske saldy.
«Biz sondai-aq Aral teńiziniń qańsyǵan tabanyna sekseýil otyrǵyzýdy ulǵaitý baǵdarlamasyn qabyldadyq. 2025 jylǵa qarai bul sekseýil aqaby 1,5 million gektarǵa jetedi dep josparlap otyrmyz. Bul turǵyda ózbekstandyq áriptesterimizben yntymaqtasa áreket etip jatyrmyz», - dedi Memleket basshysy.
