مەملەكەت باسشىسى قاسىم-جومارت توقاەۆ ارال تابانىنا ەگٸلەتٸن سەكسەۋٸل القابى ۇلعاياتىنىن ايتتى, دەپ حابارلايدى قازاقپارات.
«كٶمٸرقىشقىل گازىنىڭ ەسەرٸن بەسەڭدەتۋدە اعاش ەگۋ جۇمىستارىن بەلسەندٸ جٷرگٸزۋ ماڭىزدى رٶل اتقارادى. قازاقستان شاعىن ورماندى مەملەكەتتەرگە جاتادى. ورمان قورىنىڭ اۋدانى 30 ميلليون گەكتار نەمەسە جالپى اۋماقتىڭ 11%-ىن قۇرايدى. بيىل ەلدٸ كٶگالداندىرۋ بويىنشا اۋقىمدى باعدارلاما باستالدى. 2025 جىلعا دەيٸن 2 ميلليارد اعاش ەگٸلەدٸ. بۇل باستاما ٷلكەن حالىقارالىق رەزونانسقا يە شىن مەنٸندە ۇلتتىق اۋقىمداعى جوباعا اينالۋدا», - دەدٸ پرەزيدەنت ەلوردادا ٶتٸپ جاتقان «پاريج كەلٸسٸمٸ مەن قازاقستاننىڭ كٶمٸرتەگٸ بەيتاراپتىعىنىڭ ماقساتتارىنا قول جەتكٸزۋ جولدارى» اتتى حالىقارالىق كونفەرەنتسييا بارىسىندا.
سونداي-اق, ول ارال تابانىنا ەگٸلٸپ جاتقان سەكسەۋٸل القابىنىڭ اۋماعىن كەڭەيتۋ جوسپارلانعانىن ەسكە سالدى.
«بٸز سونداي-اق ارال تەڭٸزٸنٸڭ قاڭسىعان تابانىنا سەكسەۋٸل وتىرعىزۋدى ۇلعايتۋ باعدارلاماسىن قابىلدادىق. 2025 جىلعا قاراي بۇل سەكسەۋٸل اقابى 1,5 ميلليون گەكتارعا جەتەدٸ دەپ جوسپارلاپ وتىرمىز. بۇل تۇرعىدا ٶزبەكستاندىق ەرٸپتەستەرٸمٸزبەن ىنتىماقتاسا ەرەكەت ەتٸپ جاتىرمىز», - دەدٸ مەملەكەت باسشىسى.
