Prezident Qasym-Jomart Toqaevtyń tapsyrmasy boiynsha Almatydaǵy Oqýshylar saraiyna syilyq retinde jańa mektep avtobýsy berildi, - dep habarlaidy Tengrinews.kz tilshisi qalalyq ákimdiktiń baspasóz qyzmetine silteme jasap.
Vedomstvo málimetinshe, onda balalardy túrli konkýrsqa, jarystar men festivaldarǵa aparý josparlanǵan.
"Avtobýs barlyq zamanaýi talapqa sai jáne júrý úshin yńǵaily, sonyń ishinde ártúrli aýa-raiy jaǵdaiynda alys qashyqtyqqa sapar shegýge arnalǵan. Aýany retteý jáne jylytý júielerinen basqa, avtokólik 4 beinebaqylaý kamerasymen, aialdama týraly júrgizýshini habardar etý batyrmasymen, erekshe qajettilikteri bar adamdarǵa arnalǵan pandýspen jabdyqtalǵan", - delingen habarlamada.
Sondai-aq, Oqýshylar saraiyna sapary barysynda Prezident Almaty ákimdigine 2023 jyldyń 15 jeltoqsanyna deiin Oqýshylar saraiynyń observatoriiasyn jańǵyrtý aiasynda zamanaýi kásibi teleskop ornatýdy tapsyrdy.
