Memleket basshysy Qasym-Jomart Kemeluly Toqaev QR Mádeniet qairatkeri, Almaty oblysynyń qurmetti azamaty, belgili kino akteri Álimǵazy Smaǵululy Raiymbekovtiń dúnieden ótýine bailanysty onyń otbasyna kóńil aitý jedelhatyn joldady. Bul týraly Prezidenttiń baspasóz hatshysy Berik Ýáli Facebook-tegi paraqshasynda jazdy.
«Álimǵazy Smaǵululy qazaq kinosynyń tańdaýly týyndylarynyń biri – «Taqiialy perishte» kinofilmindegi Tailaqtyń rólin úlken sheberlikpen somdaǵan. Odan keiin de birneshe kinokartinalarǵa túsip, kórermen qaýymnyń ystyq yqylasyna bólendi.
Marqumnyń jany jánnatta, imany salamat bolsyn», – delingen jedelhatta.
Eske sala ketsek, búgin «Taqiialy perishte» filminiń bas keiipkeri, aty ańyzǵa ainalǵan akter, Qazaqstan Respýblikasynyń Mádeniet qairatkeri, Almaty oblysynyń Qurmetti azamaty Álimǵazy Raiymbekovtyń ómirden ozǵany habarlanǵan edi.
