مەملەكەت باسشىسى قاسىم-جومارت كەمەلۇلى توقاەۆ قر مەدەنيەت قايراتكەرٸ, الماتى وبلىسىنىڭ قۇرمەتتٸ ازاماتى, بەلگٸلٸ كينو اكتەرٸ ەلٸمعازى سماعۇلۇلى رايىمبەكوۆتٸڭ دٷنيەدەن ٶتۋٸنە بايلانىستى ونىڭ وتباسىنا كٶڭٸل ايتۋ جەدەلحاتىن جولدادى. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا جازدى.
«ەلٸمعازى سماعۇلۇلى قازاق كينوسىنىڭ تاڭداۋلى تۋىندىلارىنىڭ بٸرٸ – «تاقييالى پەرٸشتە» كينوفيلمٸندەگٸ تايلاقتىڭ رٶلٸن ٷلكەن شەبەرلٸكپەن سومداعان. ودان كەيٸن دە بٸرنەشە كينوكارتينالارعا تٷسٸپ, كٶرەرمەن قاۋىمنىڭ ىستىق ىقىلاسىنا بٶلەندٸ.
مارقۇمنىڭ جانى جەنناتتا, يمانى سالامات بولسىن», – دەلٸنگەن جەدەلحاتتا.
ەسكە سالا كەتسەك, بٷگٸن «تاقييالى پەرٸشتە» فيلمٸنٸڭ باس كەيٸپكەرٸ, اتى اڭىزعا اينالعان اكتەر, قازاقستان رەسپۋبليكاسىنىڭ مەدەنيەت قايراتكەرٸ, الماتى وبلىسىنىڭ قۇرمەتتٸ ازاماتى ەلٸمعازى رايىمبەكوۆتىڭ ٶمٸردەن وزعانى حابارلانعان ەدٸ.
