Ekinshi býyndaǵy krossover jańartylǵan dizainymen, 27 diýimdik panoramalyq mýltimediialyq displeiimen jáne zamanaýi qaýipsizdik júielerimen erekshelenedi. Jańa Kia Seltos Qazaqstan naryǵyna 2026 jyldyń qarashasynda shyǵady, dep habarlaidy Ult.kz.
Allur kompaniialar tobyna kiretin Kia Qazaqstan Qazaqstanda jańa Kia Seltos modeliniń tusaýkeseri ótetinin habarlady. Ekinshi býyndaǵy krossoverdiń dizainy jańaryp, salony zamanaýi tehnologiialarmen jabdyqtalǵan. Sonymen qatar jailylyq pen qaýipsizdikke arnalǵan fýnktsiialar jiyntyǵy keńeitilgen.
Jańa modeldiń basty ereksheligi – kúndelikti qoldanysqa qajetti praktikalyq múmkindikterdi, zamanaýi tehnologiialardy jáne airyqsha dizaindy úilestirý. Kia kompaniiasynyń «Qarama-qaishylyqtardyń birligi» (Opposites United) dizain filosofiiasyna sáikes ázirlengen Seltos jol talǵamaityn kólikke tán batyl kelbetti zamanaýi jailylyqpen ushtastyrady.
Batyl dizain jáne úlkeigen ólshemder
Jańa Kia Seltos dinamikalyq kýzov syzyqtarymen, keń radiator torymen jáne Star Map firmalyq stilindegi jaryq elementterimen erekshelenedi. Jasyryn esik tutqalary men zamanaýi jaryq tehnikasy avtomobildiń syrtqy kelbetin odan ári aishyqtai túsken.
Krossoverdiń gabaritteri de úlkeigen. Uzyndyǵy – 4 460 mm, eni – 1 830 mm, biiktigi – 1 600 mm. Al dóńgelek bazasy 2 690 mm-ge deiin ulǵaiǵan. Bul salondaǵy keńistikti arttyryp, júrgizýshi men jolaýshylarǵa qolaily jaǵdai jasaýǵa múmkindik beredi.
27 diýimdik displei jáne zamanaýi jabdyqtar
Avtomobil salonynyń aldyńǵy paneli kóldeneń arhitektýramen jasalyp, árleý materialdary jańartylǵan. Basqarý elementteriniń ornalasýy júrgizýshige barynsha yńǵaily bolatyndai etip oilastyrylǵan.
Ortada 27 diýimdik panoramalyq mýltimediialyq displei qoiylǵan. Oǵan qosa, aspaptar panelinde 10 diýimdik ekran bar. Jabdyqtar qatarynda panoramalyq shatyr men proektsiialyq displei de qarastyrylǵan.
Jańa tehnologiialar kólik fýnktsiialaryn basqarýdy jeńildetip, sapar kezinde júrgizýshi men jolaýshylardyń jailylyǵyn arttyrýǵa baǵyttalǵan.
Qozǵalys turaqtylyǵy men jailylyǵy jaqsarǵan
Jańa Seltos Kia K3 zamanaýi platformasyna negizdelgen. Kýzovtyń qattylyǵy arttyrylyp, dybys oqshaýlaýy jaqsartylǵan. Sondai-aq aspa júiesiniń baptaýlary jetildirilgen. Bul ózgerister avtomobildiń joldaǵy turaqtylyǵy men júris jailylyǵyn arttyrýǵa arnalǵan.
Qozǵaltqyshtar qataryna qýaty 115-ten 200 at kúshine deiingi benzindi agregattar kiredi. Qazaqstan naryǵynda qýaty 200 at kúshine teń qozǵaltqyshpen jáne tolyq jetek júiesimen jabdyqtalǵan nusqa usynylady.
Qaýipsizdikke basymdyq berilgen
Jańa Kia Seltos júrgizýshige kómek kórsetetin ADAS júielerimen jabdyqtalady. Bul tehnologiialar jol jaǵdaiyn baqylaýǵa, júrgizýshiniń kólikti senimdi basqarýyna jáne sapar qaýipsizdigin arttyrýǵa kómektesedi.
Sonymen qatar shanaq konstrýktsiiasy men qaýipsizdik jastyqtarynyń júiesine erekshe nazar aýdarylǵan. Olardyń basty mindeti – jol-kólik oqiǵasy kezinde júrgizýshi men jolaýshylardy qorǵaý.
Zamanaýi tehnologiialar, jailylyq jáne fýnktsionaldyq múmkindikterdiń úilesimi jańa Kia Seltos-ty qala ishindegi kúndelikti júriske de, alys saparlarǵa da beiim krossover retinde tanytady.
Qazaqstanda qashan satyla bastaidy?
Jańa Kia Seltos 2026 jyldyń qarashasynda Kia Qazaqstan resmi dilerlik ortalyqtarynda paida bolady. Qazaqstan naryǵyna arnalǵan jinaqtamalary, tehnikalyq sipattamalary, baǵasy jáne satylymnyń naqty bastalý kúni týraly aqparat keiinirek jariialanady.
Qazaqstanda satylatyn Kia avtomobilderine óndirýshiniń bes jyl nemese 150 000 shaqyrym júris qory kólemindegi standartty kepildigi beriledi. Kepildik merzimi osy eki kórsetkishtiń qaisysy buryn oryndalatynyna bailanysty aiaqtalady. Tolyq sharttarmen Kia Qazaqstan kompaniiasynyń resmi saitynan tanysýǵa bolady.
