Prezident Qasym-Jomart Toqaev Aqparat jáne qoǵamdyq damý ministri Aida Balaevany qabyldady, dep habarlaidy Aqorda.
Memleket basshysyna ministrliktiń aqparattyq saiasat pen azamattyq qoǵamdy damytý baǵytynda atqaryp jatqan jumystary jaiynda baiandaldy.
Atap aitqanda, Qasym-Jomart Toqaevqa memlekettik saiasattyń ózekti máseleleri boiynsha aqparattyq-túsindirý jumystaryna, onyń ishinde, volonterlik qozǵalysty jáne ekologiialyq aǵartý sharalaryn odan ári damytýǵa, el Táýelsizdiginiń 30 jyldyǵy aiasynda atqarylatyn is-sharalardy júzege asyrýǵa qatysty buǵan deiin bergen tapsyrmalardyń oryndalý barysy týraly aqparat berildi.
Prezidentke «Qoǵamdyq keńester týraly» jáne «Aqparatqa qol jetkizý týraly» zańnamalarǵa engizilgen jańa túzetýlerdiń júzege asyrylý barysy týraly aityldy.
Sondai-aq ministr Memleket basshysynyń qoǵamdyq baqylaý, volonterlik jáne qaiyrymdylyq qyzmet týraly jańa zań jobalaryn ázirleý jónindegi tapsyrmalarynyń oryndalýy jaiynda baiandady.
Kezdesý sońynda Prezident ministrlikke birqatar naqty mindet júktedi.
