Qazaqstan Prezidenti Qasym-Jomart Toqaev «Abai-Shákárim» memorialdyq keshenin aralap kórdi, dep habarlaidy Aqorda.
Qasym-Jomart Toqaev Jidebaiǵa arnaiy kelip, «Abai-Shákárim» memorialdyq kesheni men aqynnyń murajai-úiinde atqarylǵan jumystarmen tanysty. Uly aqynnyń 175 jyldyq mereitoiy aiasynda memorialdyq keshen men Abaidyń murajai-úii jóndeýden ótip, zamanaýi talaptarǵa sai qaita jańǵyrtylǵan. Kire berisinen bastalatyn jaiaý júrginshilerdiń jolynan bastap keshenniń ústine shyǵaratyn jolǵa deiin granit tas tóselgen. 200-ge jýyq shyrsha túpteri egilip, amfiteatrdyń tóbesi kúmbezdelgen jáne kire beris alańǵa úlken konstrýktsiialyq jobalar jasalǵan. Qazaqstan Prezidenti atqarylǵan jumystarǵa oń baǵasyn berip, memorialdyq keshen men murajai-úiine estelikke kitaptar syilady.
Qasym-Jomart Toqaev qaita jańǵyrtýdan ótken «Sapar ortalyǵyn» aralap kórip, ziiaratshylarǵa qyzmet kórsetý ornynyń jumysyn joǵary baǵalady.
Jalpy biylǵy mereitoiǵa orai Abai aýdanynda aýqymdy jumystar atqarylǵan. Onyń ishinde aqynnyń kindik qany tamǵan Syrt Qasqabulaqta kúrdeli jóndeý jumystary júrgizilip, kire beris jolyna asfalt tóselgen. Abai sý ishken bulaqtyń basy tolyǵymen abattandyrylyp, shyrsha, shynar aǵashtary otyrǵyzylyp, aqynnyń 45 qara sózi jazylǵan mármár tastar qoiylǵan. «Týǵanda dúnie esigin ashady óleń» degen stella turǵyzylǵan. Sonymen qatar Qunanbai men onyń áýleti jerlengen Aqshoqy qorymynyń aýmaǵy keńeitilip, tolyǵymen abattandyrylǵan. Eń bastysy elimizde tuńǵysh ret uly Abaidyń kemeńger ákesi Qunanbaiǵa arnap, onyń ómiri men qairatkerlik qyzmetin dáripteitin Qunanbai mýzeii salyndy. Mýzei ishi zaman talabyna sai jabdyqtalǵan, konferentsiia jáne ekspozitsiialyq zaldarmen jasaqtalǵan. Mýzeidiń ekspozitsiialyq zalyna ulylar mekeniniń tarihynan, óneri men mádenietinen, turmys-saltynan syr shertetin qundy jádigerler, baǵaly buiymdar, turmystyq zattar qoiylǵan.
