قازاقستان پرەزيدەنتٸ قاسىم-جومارت توقاەۆ «اباي-شەكەرٸم» مەموريالدىق كەشەنٸن ارالاپ كٶردٸ, دەپ حابارلايدى اقوردا.
قاسىم-جومارت توقاەۆ جيدەبايعا ارنايى كەلٸپ, «اباي-شەكەرٸم» مەموريالدىق كەشەنٸ مەن اقىننىڭ مۇراجاي-ٷيٸندە اتقارىلعان جۇمىستارمەن تانىستى. ۇلى اقىننىڭ 175 جىلدىق مەرەيتويى اياسىندا مەموريالدىق كەشەن مەن ابايدىڭ مۇراجاي-ٷيٸ جٶندەۋدەن ٶتٸپ, زاماناۋي تالاپتارعا ساي قايتا جاڭعىرتىلعان. كٸرە بەرٸسٸنەن باستالاتىن جاياۋ جٷرگٸنشٸلەردٸڭ جولىنان باستاپ كەشەننٸڭ ٷستٸنە شىعاراتىن جولعا دەيٸن گرانيت تاس تٶسەلگەن. 200-گە جۋىق شىرشا تٷپتەرٸ ەگٸلٸپ, امفيتەاتردىڭ تٶبەسٸ كٷمبەزدەلگەن جەنە كٸرە بەرٸس الاڭعا ٷلكەن كونسترۋكتسييالىق جوبالار جاسالعان. قازاقستان پرەزيدەنتٸ اتقارىلعان جۇمىستارعا وڭ باعاسىن بەرٸپ, مەموريالدىق كەشەن مەن مۇراجاي-ٷيٸنە ەستەلٸككە كٸتاپتار سىيلادى.
قاسىم-جومارت توقاەۆ قايتا جاڭعىرتۋدان ٶتكەن «ساپار ورتالىعىن» ارالاپ كٶرٸپ, زيياراتشىلارعا قىزمەت كٶرسەتۋ ورنىنىڭ جۇمىسىن جوعارى باعالادى.
جالپى بيىلعى مەرەيتويعا وراي اباي اۋدانىندا اۋقىمدى جۇمىستار اتقارىلعان. ونىڭ ٸشٸندە اقىننىڭ كٸندٸك قانى تامعان سىرت قاسقابۇلاقتا كٷردەلٸ جٶندەۋ جۇمىستارى جٷرگٸزٸلٸپ, كٸرە بەرٸس جولىنا اسفالت تٶسەلگەن. اباي سۋ ٸشكەن بۇلاقتىڭ باسى تولىعىمەن اباتتاندىرىلىپ, شىرشا, شىنار اعاشتارى وتىرعىزىلىپ, اقىننىڭ 45 قارا سٶزٸ جازىلعان مەرمەر تاستار قويىلعان. «تۋعاندا دٷنيە ەسٸگٸن اشادى ٶلەڭ» دەگەن ستەللا تۇرعىزىلعان. سونىمەن قاتار قۇنانباي مەن ونىڭ ەۋلەتٸ جەرلەنگەن اقشوقى قورىمىنىڭ اۋماعى كەڭەيتٸلٸپ, تولىعىمەن اباتتاندىرىلعان. ەڭ باستىسى ەلٸمٸزدە تۇڭعىش رەت ۇلى ابايدىڭ كەمەڭگەر ەكەسٸ قۇنانبايعا ارناپ, ونىڭ ٶمٸرٸ مەن قايراتكەرلٸك قىزمەتٸن دەرٸپتەيتٸن قۇنانباي مۋزەيٸ سالىندى. مۋزەي ٸشٸ زامان تالابىنا ساي جابدىقتالعان, كونفەرەنتسييا جەنە ەكسپوزيتسييالىق زالدارمەن جاساقتالعان. مۋزەيدٸڭ ەكسپوزيتسييالىق زالىنا ۇلىلار مەكەنٸنٸڭ تاريحىنان, ٶنەرٸ مەن مەدەنيەتٸنەن, تۇرمىس-سالتىنان سىر شەرتەتٸن قۇندى جەدٸگەرلەر, باعالى بۇيىمدار, تۇرمىستىق زاتتار قويىلعان.
