Foto: Ukimet
Premer-ministr Oljas Bektenovtiń tóraǵalyǵymen ótken Úkimet otyrysynda áýejailardy áýeailaqtardyń tehnikalyq jai-kúii men ushýlardy qamtamasyz etý qajettiligi turǵysynan tekserý nátijeleri týraly másele qaraldy. Óz kezeginde «Qazaqstannyń aviatsiia ákimshiligi» AQ bas direktory Katalin Radý baiandama jasady, dep habarlaidy Ult.kz.
«AZAL áýe kompaniiasy ushaǵynyń apaty nátijesinde bastalǵan tapsyrmańyzǵa sáikes, biz alty áýejaidy: Astana, Pavlodar, Almaty, Aqtaý, Shymkent, Óskemen áýejailaryn áýeailaqtardyń tehnikalyq jai-kúii jáne ushýdy qajetti qamtamasyz etý turǵysynan basymdyqpen tekserdik.
Sonymen qatar Air Astana, SCAT, Qazaq Air, FlyArystan alty turaqty áýetasymaldaýshynyń 71 azamattyq áýe kemesine perrondyq tekserý júrgizildi, 686 áýe kompaniiasy ushqyshynyń daiyndyǵy men ushý aldyndaǵy baqylaýyna taldaý jasaldy», — dedi K.Radý.
Sondai-aq Bas kólik prokýratýrasymen birlesip, aviatsiialyq qaýipsizdik máselelerin qosa alǵanda, azamattyq aviatsiianyń negizgi sýbektilerin jospardan tys tekserý jalǵasýda.
Kólik ministrliginiń málimetinshe, ushý qaýipsizdigi deńgeii 74%-dan 82%-ǵa deiin kóterilgen.
Esterińizge sala keteiik, Premer-ministr Oljas Bektenov Aqtaý qalasynyń mańyndaǵy ushaq apatynan keiin aviatsiialyq qaýipsizdikti kúsheitý, onyń ishinde jospardan tys tekserý júrgizý boiynsha birqatar tapsyrma bergen bolatyn.
