فوتو: Ukimet
پرەمەر-مينيستر ولجاس بەكتەنوۆتٸڭ تٶراعالىعىمەن ٶتكەن ٷكٸمەت وتىرىسىندا ەۋەجايلاردى ەۋەايلاقتاردىڭ تەحنيكالىق جاي-كٷيٸ مەن ۇشۋلاردى قامتاماسىز ەتۋ قاجەتتٸلٸگٸ تۇرعىسىنان تەكسەرۋ نەتيجەلەرٸ تۋرالى مەسەلە قارالدى. ٶز كەزەگٸندە «قازاقستاننىڭ اۆياتسييا ەكٸمشٸلٸگٸ» اق باس ديرەكتورى كاتالين رادۋ بايانداما جاسادى, دەپ حابارلايدى Ult.kz.
«AZAL ەۋە كومپانيياسى ۇشاعىنىڭ اپاتى نەتيجەسٸندە باستالعان تاپسىرماڭىزعا سەيكەس, بٸز التى ەۋەجايدى: استانا, پاۆلودار, الماتى, اقتاۋ, شىمكەنت, ٶسكەمەن ەۋەجايلارىن ەۋەايلاقتاردىڭ تەحنيكالىق جاي-كٷيٸ جەنە ۇشۋدى قاجەتتٸ قامتاماسىز ەتۋ تۇرعىسىنان باسىمدىقپەن تەكسەردٸك.
سونىمەن قاتار Air Astana, SCAT, Qazaq Air, FlyArystan التى تۇراقتى ەۋەتاسىمالداۋشىنىڭ 71 ازاماتتىق ەۋە كەمەسٸنە پەرروندىق تەكسەرۋ جٷرگٸزٸلدٸ, 686 ەۋە كومپانيياسى ۇشقىشىنىڭ دايىندىعى مەن ۇشۋ الدىنداعى باقىلاۋىنا تالداۋ جاسالدى», — دەدٸ ك.رادۋ.
سونداي-اق باس كٶلٸك پروكۋراتۋراسىمەن بٸرلەسٸپ, اۆياتسييالىق قاۋٸپسٸزدٸك مەسەلەلەرٸن قوسا العاندا, ازاماتتىق اۆياتسييانىڭ نەگٸزگٸ سۋبەكتٸلەرٸن جوسپاردان تىس تەكسەرۋ جالعاسۋدا.
كٶلٸك مينيسترلٸگٸنٸڭ مەلٸمەتٸنشە, ۇشۋ قاۋٸپسٸزدٸگٸ دەڭگەيٸ 74%-دان 82%-عا دەيٸن كٶتەرٸلگەن.
ەستەرٸڭٸزگە سالا كەتەيٸك, پرەمەر-مينيستر ولجاس بەكتەنوۆ اقتاۋ قالاسىنىڭ ماڭىنداعى ۇشاق اپاتىنان كەيٸن اۆياتسييالىق قاۋٸپسٸزدٸكتٸ كٷشەيتۋ, ونىڭ ٸشٸندە جوسپاردان تىس تەكسەرۋ جٷرگٸزۋ بويىنشا بٸرقاتار تاپسىرما بەرگەن بولاتىن.
