QR Premer-Ministriniń orynbasary – Syrtqy ister ministri Muhtar Tileýberdi Qazaqstan Respýblikasy Prezidentiniń Ekonomikalyq damý máseleleri jónindegi keńesshisi Sýma Chakrabartimen kezdesti. Bul týraly SIM habarlady.
Kezdesý barysynda QR Prezidenti Qasym-Jomart Toqaevtyń investitsiialardy basqarý júiesin reformalaý, atap aitqanda investitsiialyq klimatty jaqsartý, investorlardyń quqyqtaryn qorǵaý jáne sheteldik investitsiialardy tartý tetikterin jetildirý jónindegi tapsyrmasyn oryndaý boiynsha pikir almasyldy. Sondai-aq, Úkimet sheshimderin qabyldaý talap etiletin investorlardyń problemalyq máseleleri talqylandy.
S. Chakrabarti Qazaqstannyń azamattyq qoǵamynyń qatysýymen QR SIM janyndaǵy konsýltativtik-keńesshi organnyń jumysyn joǵary baǵalap, sondai-aq birlesken bilim berý baǵdarlamalaryn damytý týraly ideialarymen bólisti.
Kezdesý qorytyndysy boiynsha taraptar syndarly dialogty turaqty negizde jalǵastyrý týraly ýaǵdalasty.
