QR Premer-Ministri Álihan Smaiylov elektr energetikasy salasynyń máseleleri jóninde kezekti keńes ótkizdi, dep habarlaidy primeminister.kz.
Energetika ministrligi halyqqa jáne ónerkásip sektoryna qajetti elektr energiiasyn shektemei berý jóninde qabyldanyp jatqan sharalar, sondai-aq tsifrlyq mainerler úshin elektr qýatyn shekteý týraly baiandady.
Qazirgi tańda óńirlerde Energetika ministrligi men quqyq qorǵaý organdarynyń qyzmetkerlerinen quralǵan mobildi toptar baqylaý sharalaryn júrgizýde.
18-20 aqpan aralyǵynda júrgizilgen jedel sharalar nátijesinde Batys Qazaqstan, Qaraǵandy, Pavlodar, Shyǵys Qazaqstan oblystarynda zańsyz jumys istegen 34 nysan anyqtaldy.
Shektelgen elektr qýatynyń jiyntyq kólemi 202 MVt qurady.
Bul rette, el aýmaǵynda zańsyz tsifrlyq maining qyzmetteri bar ekenin atap ótken jón, olardy anyqtaý jumystary jalǵasýda.
Anyqtalǵan sýbektilerge qatysty tergeý júrgiziledi.
Buǵan deiin Júielik operator («KEGOC» AQ) tsifrlyq mainerler úshin elektr qýatyn 380 MVt-qa shektegen bolatyn.
«Tsifrlyq mainingtiń zańsyz qyzmetin anyqtaý jáne olardy elektr qýatynan ajyratý jumystaryn kúsheitý qajet. Sondai-aq Qarjylyq monitoring agenttigi QM Memlekettik kirister komitetimen jáne TsDIAÓM-men birlesip, zańsyz mainerler keltirgen shyǵyndardy baǵalaý máselesin pysyqtaýy kerek», — dedi Smaiylov.
Premer-Ministr zańsyz tsifrlyq maining sýbektilerine qatysty batyl sharalar qabyldaýdy tapsyrdy.
