QR Premer-Ministri Baqytjan Saǵyntaev dárigerlerdiń, ásirese, balalardyń densaýlyǵyna qatysty jiberýi múmkin qatelikteriniń tym qymbatqa túsetindigine nazar aýdardy jáne meditsinalyq joǵary oqý oryndaryndaǵy pediatriia fakýltetteri men balalarǵa arnalǵan meditsinalyq kómek qyzmetin qalpyna keltirý boiynsha shuǵyl sharalardy qabyldaýdy tapsyrdy.
QR Premer-Ministri Baqytjan Saǵyntaev Úkimet otyrysy barysynda Qazaqstanda pediatriiany qalpyna keltirý boiynsha birqatar tapsyrmalar berdi.
Ol «ásirese, balalar dárigerleriniń qatelikteri tym qymbatqa túsetinin, bul tusta meditsinalyq kadrlardy – ásirese, balalar dárigerlerin, pediatrlardy daiarlaý sapasyna kóńil bólý qajettigin» atap ótti.
Premer-Ministr densaýlyq saqtaý jáne áleýmettik damý ministri T.Dúisenovaǵa jáne bilim jáne ǵylym ministri E.Saǵadievke meditsinalyq joǵary oqý oryndardaǵy pediatriia fakýltetterin qalpyna keltirý jáne jańa oqý jylynan bastap birden mamandardy daiarlaýdy bastaýdy tapsyrdy.
«Mundai máselelerde eksperiment jasaýǵa bolmaidy», dep atap ótti Premer-Ministr B.Saǵyntaev.
Eske salaiyq, elimizdegi meditsinalyq joǵary oqý oryndarynda pediatriia fakýltetteri 2007 jyly jabyldy, bakalavriat deńgeiinde dárigerlerdi daiarlaý jalpy tájiribedegi dárigerlerdi damytý qaǵidaty boiynsha júzege asyrylady.
.jpeg)