«Jańa ǵana Memleket basshysy habarlasyp, Japoniia men Koreiaǵa jasaǵan sapardan keiin investitsiialyq klimatty surady, osy elderdiń iri biznesi tarapynan bizdiń elge qyzyǵýshyly úlken ekenin aitty. Bizge bul jumysty kúsheitý qajet», - dedi Baqytjan Saǵyntaev.
Úkimet basshysy investitsiia tartý boiynsha elshilikterdiń jaýapkershiligi zor ekenin eskertti.
«Memleket basshysy barlyq elshilerdiń jumysy elge investitsiia tartýǵa baǵyttalýy qajet ekendigine nazar aýdardy. Bul olar úshin birinshi kezektegi mindet, sondyqtan elshilerden suraý da qatań bolady. Olardyń qai elden qansha investitsiia tartqany mańyzdy bolady», - dedi B.Saǵyntaev.
Syrtqy ister ministri Erlan Ydyrysov barlyq elshilikterdiń ekonomikalyq suraqtar boiynsha jumysy júieli ekenin alǵa tartty. Úkimet basshysy ministrlerge qol qoiylatyn memorandýmdardyń tiimdiligine monitoring júrgizýdi tapsyrdy.
«Memleket basshysynyń saparlary kezinde biznes-forýmdar ótip, kóptegen memorandýmdar men kelisimderge qol qoiylady. Al ári qarai monitoring qalai júrgiziledi? Bul jumysty qaǵaz túrinde qaldyrmai, sońyna deiin jetkizýimiz kerek. Sondyqtan reviziia qajet. Bul jumysty Investitsiialar jáne damý ministrligi men syrtqy ister ministrligi jyl sońyna deiin aiaqtaýy tiis», - dedi B.Saǵyntaev.
.jpeg)