QR Premer-Ministri Álihan Smaiylov Úkimettiń keńeitilgen otyrysynda tabiǵi jáne taýarlyq gazdyń baǵasy eki jyl boiy 2021 jylǵy baǵa deńgeiinde saqtalatynyn aitty, dep habarlaidy QazAqparat.
«Ishki naryq qosymsha 150 myń tonna kóleminde suiytylǵan munai gazymen qamtamasyz etiletin bolady. Shiki jáne taýarlyq gazdyń baǵasy 2024 jylǵy 1 qańtarǵa deiin ótken jylǵy jeltoqsan deńgeiinde bekitiletin bolady», - dedi Úkimet basshysy.
Sondai-aq ol tariftik saiasatty jetildirý jónindegi is-sharalar sheńberinde tabiǵi monopoliialar sýbektileri qyzmetiniń ashyqtyǵyn arttyrý jáne olardyń investitsiialyq baǵdarlamalardy iske asyrýyna baqylaýdy qamtamasyz etý jóninde zańnamalyq sharalar qabyldanatynyn jetkizdi.
