Qazaqstanda vaktsinatsiialaý kestesin naqty túrde saqtaý kerek. Bul týraly Úkimet otyrysynda QR Premer-Ministri Asqar Mamin málim etti, dep habarlaidy "Ult aqparat".
«Vaktsinatsiialaý grafigi naqty saqtalsyn jáne sáýir aiynda, sondai-aq mamyr men maýsym ailarynda, jospar boiynsha ai saiyn 2 mln adamdy vaktsinatsiialaý qamtamasyz etilsin. Sondyqtan Densaýlyq saqtaý ministrligi men ákimdikterge qoǵamdyq oryndardy, sonyń ishinde saýda ortalyqtaryn paidalana otyryp, vaktsinatsiialaýdyń qoljetimdiligin qamtamasyz etýdi tapsyramyn», - dedi Mamin.
Sonymen qatar Densaýlyq saqtaý ministrligi Aqparat ministrligimen jáne ákimdiktermen birlesip, halyq úshin vaktsiantsiialaýdyń mańyzdylyǵy týraly túsindirý jumysyn júrgizýdi jalǵastyrýy kerek.
«Qoǵam tek sanitarlyq normarlardy saqtaý jáne vaktsinatsiialaý ǵana pandemiianyń taralýyn toqtatyp, ekonomikanyń ósýin qamtamasyz ete alatynyn túsinýi kerek», - dedi Úkimet basshysy.
Budan buryn habarlanǵandai, Asqar Mamin óńirlerde sanitarlyq normalar men betperde rejimin saqtaýdy kúsheitý kerektigin tapsyrdy.
