Búgin fýtboldan Premer-liga komandalary arasynda Qazaqstan chempionatynyń 16-týrynda «Astana» men «Qairat» komandalary kezdesti, dep habarlaidy "Ult aqparat".
Buǵan deiin eki komanda 40 márte kezdesti. Onyń 18-de «Astana» basymdyq tanytsa, 12-i «Qairattyń» jeńisimen aiaqtaldy. Qalǵanynda teń nátije tirkeldi .
Búgingi kezdesýde tartysty oiyn órbidi. Eki komanda alma-kezek shabýylǵa iek artty. Oiynnyń 31-minýtynda «Qairattyń» shabýylshysy Abat Aiymbetov esep ashty. Osylaisha ol biyl óziniń onynshy dobyn soqty. Surmergender kóshinde 10 golmen «Ordabasy» oiynshysy Joao Paolo alǵashqy eki oryndy ózara bólisip tur.
Búgin «Qairat» basty qarsylasyn 1:0 esebimen jeńdi. Týrnir kestesinde olardan 14 upaiǵa uzap ketti. «Qairatta» 16 oiynnan keiin 41, «Astanada» 15 oiynnan keiin 27 upai bar. Almatylyq klýb chempiondyq ataqqa bir taban jaqyndai tústi.
«Astana» endi bes oiyn ótkizedi. Al «Qairattyń» alda tórt kezdesýi bar.
Sondai-aq, búgin Shymkenttiń «Ordabasy» jáne Qostanaidyń «Tobyl» komandalary arasynda qyzyqty jekpe-jek ótti. Bul kezdesýde qostanailyq klýb sapynan 48-minýtta Rýslan Valiýllin esep ashsa, 57-minýtta shymkenttik fýtbolshy Viktor Dmitrienko óziniń qaqpasyna gol soǵyp aldy. Qorytyndy esepti 84-minýtta «Tobyl» oiynshysy Senan Sebai belgiledi. Osylaisha qostanailyq ujym qarsylasyn 3:0 esebimen tize búktirdi.
Búgin atalǵan týrda endi «Qaisar» men «Qaspii» komandalary kezdesedi. Oiyn elorda ýaqytymen 19.00-de bastalady.
Erteń, 31 qazanda «Qyzyljar» men «Jetisý», «Oqjetpes» pen «Taraz» komandalary sheberlik baiqasady.
