Foto: Polisia.kz
Ishki ister ministrligi el aýmaǵynda "Dármek" respýblikalyq jedel-profilaktikalyq is-sharasy ótkizdi, - dep habarlaidy Ult.kz.
Prekýrsorlar men meditsinalyq preparattardy qoldanatyn 900-den astam uiym, onyń ishinde 350 dárihana, 85 qoima, 103 emdeý-profilaktikalyq mekemesi jáne 362 kásiporyn tekserildi. Nátijesinde saqtaý, ótkizý jáne tasymaldaý sharttaryn buzǵany úshin 248 adam ákimshilik jaýapkershilikke tartyldy, onyń ishinde 116 meditsina qyzmetkeri bar.
"Esirtki quraldarymen jumys isteý salasynda 8 qylmystyq is qozǵaldy. 35 myń tonna prekýrsor, 20 myń tabletka jáne quramynda psihoaktivti zattar bar 24 myń ampýlanyń ainalymyna shekteý qoiyldy", - dedi IIM esirtki qylmysyna qarsy is-qimyl komiteti tóraǵasynyń orynbasary Qýandyq Áljanov.
Mysaly, Jambyl oblysyndaǵy uiymdardyń biri prekýrsorlardy saqtaý erejelerin buzǵan. 34 myń tonnadan astam kúkirt qyshqyly tárkilendi. Ákimshilik material jinaldy. Uiym qyzmeti toqtatyldy. Aqtóbe oblysynda meditsinalyq uiymdy tekserý kezinde esirtki quraldaryn saqtaý jáne esepke alý erejeleriniń buzylýy anyqtaldy. Farmatsevtke qatysty qylmystyq is qozǵaldy.
"IIM esirtki men prekýrsorlardyń zańdy ainalymy salasynda belgilengen talaptardy buzǵany úshin ákimshilik jáne qylmystyq jaýapkershilik kózdelgenin eskertedi", - dedi Qýandyq Áljanov.
