Praimeriz barysynda debattar kóp boldy. Bul saiasi júieniń jaqsy damyp kele jatqandyǵyn bildiredi. Bul týraly Qazaqstannyń parlamenttik sailaý qarsańyndaǵy qoǵamdyq-saiasi protsesterin talqylaýǵa arnalǵan onlain-konferentsiiada saiasattanýshy Edýard Poletaev aitty, dep habarlaidy QazAqparat.
«Buryn Qazaqstandaǵy depýtattar sailaýy merziminen buryn ótetin, sol sebepti úgit-nasihat naýqany az ýaqyt ishinde júzege asatyn. Biyl tamyz aiynda bastalǵan praimeriz «Nur Otan» partiiasynyń qaita jańǵyrýynyń quramdas bóligi ǵana emes, Parlament Májilisi men máslihattar depýtattarynyń sailaý naýqanynyń bóligi boldy deýge bolady. Praimeriz barysynda debattar kóp boldy. Bul saiasi júieniń jaqsy damyp kele jatqandyǵyn bildiredi», - deidi saiasattanýshy, «Mir Evrazii» qorynyń jetekshisi Edýard Poletaev.
Onyń aitýynsha, zańnamalyq ózgeristerge bailanysty partiialyq tizimniń 30%-y – áielder, 20%-y – 35 jasqa deiingi jastar bolýy kerek.
«Bul sheshim jastar arasynda kóshbasshy áielderdiń kóbeiýine yqpal etti. Áleýmettik jelilerde myńdaǵan oqyrmany bar tanymal tulǵalar praimeriz kezinde aldyńǵy oryndardan kóringen joq. Bul partiiaishilik daýys berý men jalpyulttyq daýys berýdiń arasynda aitarlyqtai aiyrmashylyq bolatynyn bildiredi. Praimeriz júiesi elimizde tamyr jaiady dep oilaimyn», - deidi ol.
Sharany Nursultan Nazarbaev Qorynyń janyndaǵy Álemdik ekonomika jáne saiasat institýty uiymdastyrdy.
